Nupepa Puka La Kuokoa, Volume I, Number 41, 3 April 1893 — Na Hui Hoohui Aina. [ARTICLE]

Na Hui Hoohui Aina.

Eia be hamama nei ke Keena Hana o ke Komite Hooko o ka Hui Hoohuiaina nui ma Alanui Kalepa, Honolulu, ma kahi 0ha hae Amerika nui e kau kehakeha nei o ke ao a me ka po. Malaila e kakauinoa ai ka poe makemake i ola hou a pomaikai oi ae no Hawaii lahui a me aina. TJa hoouna ia aku he mau palapala kakau inoa ma na mokupnni maiuna a malalo aku nei ina la mua o keia hebedoma, oia hoi he ewalu 'i Hilo, ewalu i Kohala, ewalu i Wailuku, elua i Molokai a he iwakalua-kumamaha i Kauai. Ua kukuiu ia he hui hoohui aina ma Ewa, Oahu, a ua kakau inoa he iwakalua haole a me kanakolu-kumamalua kanaka maoli. Aia ke kukuluiala ma Kauai a puni na hui o keia ano, a o ko lakou makemake ka hoouna mai ika heluna hapanui ma ka hoohui ia Hawaii me Amerika Huipuia. Ke ala mai nei na kanaka a olohani e kokua ika hoohui, no ka mea, na ka Moiwahine ponoi ili ia Hawaii maluna o ka amana hoohui, mamuli o kona onou mai i kumukanawai hou, me ka ike no he hana lele ia i ka pali nona.