Nupepa Puka La Kuokoa, Volume I, Number 42, 4 April 1893 — He Moolelo NO KA Ui Nohea Kaliwalana [ARTICLE]

He Moolelo NO KA Ui Nohea Kaliwalana

KE KAMA WAHINE HANAI A iole, EA MEA HUNA 0 NA PALI KAHAEAI0 SEKOTIA. MOKUNA H, Ke KamawaMne Hookama a ka Haku alii —a me ka hoohuoi ano e a Kikila. “Aole oe i hoike pololei mai nei ia’u i na mea a pau,” wahi hou a ka opio., “Healia hoi keia ou e kuu keiki, pehea i ulu ai kena mau noonoo ano e ia oe ?” me ka leo hopepe ua wahine la i ninau aku ai i na mamala olelo mamua ae o ka maalea. “He makemake loa au e ike maopopo ike ano o kela kanaka, oia wale iho no ke kumu o ko’u mnau ana.” * £ A ua pane aku nei no hoi au i kau ninau e kuu keiki.” “Aole hoi oe i hoakaka piha mai nei e like me ka’u i ake nui ai.” “Pehea hoi oe e manao ai aole au i hoakaka piha aku nei ia oe?” “Noka mea, ua ike auia Gara Tamela ma kekahi ano e ae, a aole kela o kona ano maa mau e hele nei imua o kakou. He ano okoa keia.” Mamuli o keia mau olelo a ka opio, ua pii ae la ke kunahihi ma na helehelena o ka makuahiue, a puoho ano e wale mai la no oia: “Ahe! Aina ua ike oe iaia no na manawa he tausani, aole loa ia he mea e nele ana ma ke ano oia no ke Kapena o ka moku hoopae waiwai malu o keia mau ae-kai.” Kulou iho la ka opio i kona lohe ana i keia mau olelo a kona makuahine, a liuliu, ua eahpu ae laoia ilunameka nana pololei ana aku a kona mau maka mohaha ma na hioMona o kona makuahine, a pane aku la: “E nana ponp mai oe ia’u e kuu makuahine, a e hoike hou mai ina aole io oe i maopopo i kela kanaka e like me kau i hai mua mai nei.” Ua pahola emoole ae la ka haikeama na papalina o ua wahine la, a me ke ano pihoihoi oia i hoopuka mai ai i kana mau huaolelo hoouhiuhi a hookamani; “Aole oe he malihini ia’u e kuu keiki, no ka mea, ua maopopo no ia oe, aole loa au he waMne hoike wale i ka’u mau mea i manao ai e huna kele j

——a ma ko’u naau, nolaila ua oki keia mau kamailio waiwai ole a kaua e Kikila ” “Nou iho e kuu makuahine, ua uluhua paha oe la no ka’u mau ninau mau aku, aka no’u nei nae, he ake nui loa au e maopopo poao loa ia’u ke ano oiaio maoli o kela kanaka Gara Tamela. Ko ka mea, he haohao loa ko’u i ka lilo ana o kela kanaka malihini o keia mau la pokole wale mai nei no i haku maluua ae o ka mea i hookohu pono ia e ko’a makuakane, 0 kela hookoh u ana a ko’u makuakane ia Eakanala e lilo i pani nona mahope iho 0 kona make ana, ua paa loa kela; nolaiia - pehea la i iilo ai kela kahaka i. Kapena? Oia ko’u ake nui e lohe, a he mea maopopo, ua ike no oe, no ka mea aole loa e aa īki ana kela poe kanaka e lawe ae ia 6ara Tamela a hoonoho ae ma ko Eakanala wahi me ka loaa mua ole aku o ka ae mai a oe aku.” “He mea pono e kuu keiM e hooki kaua ma keia mea,” wahi a na wahine la me ke ano ku-aki o kona nanaina. “Ina ua paa loa kou manao e huna kele loa i kau mau mea 1 maopopo ai, alaila ua pau ae la ko’u hoouluhua ana akuia oe. Ka’u ponoi no e noii aku, a he mea kanalua ole, e ike no auanei oe e ahuwale ana ke ano maoli o kela kanaka ia’u,” i pane aku ai o Kikila me ka puapuai ana ae o ka ula ohelo- ' helo ma kona mau papalina. “E akahele loa pe e kuu keiki, mai hoao iki oe e a’e ma ke alahele o kela kanaka, no ka mea. ina oia e hoohuoi iki * ana no kau hana, aole loa oia e waiho mai ana i kona mau lima ia oe; nolaila, mai hana oe ia mea o make auanei oe ia Gara Tamela.” ’ “E manao ana anex oe he loaa ia mea he makau i ko’u puuwai? Kahaha ! Ea, he malihini ka paha oe ia’u? Kupai naha maoli ka hoi oe e kuu makuahine. He manao ka paha oe he makau iki kekahi o’u i kekahi kanaka hohe wale e . . \ like la me kela Gara ke ano. Kekanaka hoi i hiki oleiaia ke hele iwaeua o kona mau hoakanaka me ka hoike akea ana ae i kona ano maoli? Aole loa pela. 0 ke kanaka o kona ano, aole loa no au e lawe mai iaia ma ke anohe kanaka uhane e like me a’u nei.” “Ea! E kuu keiki, ua oki loa kela mau olelo au, aole o’u makemiake hou e lohe.” “Alaila, ke ike nei au e kuu makuahine, uaoiakukou keeo no kela kanaka mamua o’u nei kau keiki poni.” A paka hoa akn, - ■ »>