Nupepa Puka La Kuokoa, Volume I, Number 44, 6 April 1893 — Ua Ike i ka Oiaio. [ARTICLE]

Ua Ike i ka Oiaio.

Mamuli o ke ahonui o kekahi oko makou mau makamaka, ua loaa mai la keia mau mea oiaio' Ma kekahi o keia mau la koke iho nei, mawaho iho o kekahi hale ma alanui Beritania, ua kalahea ae kekahi o na kakoo ikaika o ka Ahahui Aloha Aina i keia mau huaolelo, a i lohe pono ia aku hoi e ko makou makamaka maikai: “Aole o’u maopopo i ke ano ame ke kahua oka kakou hana. Ke hele nei kakou e nonoi aku i na dala mai kela ame keia mea mai. He dala aha keia e noi ia nei? Heaha ka hana i manaoia ai no keia dala? Aole loa o’u maopopo iki ike kumu e noi ia nei o keia mau dala. He lehulehu wale na wa a’u i lohe ai he nui na dala i loaa mai; aka i ka wa nae a kakou e ninau aku ai i na luna o ua ahahui la a kakou no ia mea maloko ona halawai, eia ka lakou pane: :; He uuku loa na dala i loaa mai.” Nolaila, he nui ko’u haohao i keia mau hana a kakou. Ma kekahi • mau la koke iho nei no, ua loaa aku la ia’u kekahi oua poe komite noi dala la a kakou e ona ana ma na pipa alanui, nolaila, ua kanalua ko’u naau no keia mau hana a kakou. 0 keia iho la no ke auo o ka kakou mau hana na kanaka Hawaii o ka hooulu i kekahihana me ka noonoo mua ole i ke kahua e lawelawe ia ai oka hana. Holaila, ua manaka au i keia mau hana kahua ole a kakou. He mii wale na manawa a kakou i hele aku ai e nonoi i dala mai ka lehulehu mai, aka, ua uhauha wale ia no nae ka lokomaikai oka lehulehu e kekahi poe kolohe, a maalea o kakou. Holaila, no’u iho, ke wehe nei au ia’u iho mai keia man hana hope ole a kakou na kanaka.” 0 keia ae la na olelo a kekahi ona lala o ua ahahui aloha aina la. He mea oiaio, ua kaakaa ka maka o kela hoa, a ke mahalo aku nei makou i ka maikai ame ka pono : maoli o ka manao oia makamaka. Ina. e loaa ana ia haawina ike ika nui ona oiw T i Hawaii, alaila, he mea oiaio, o Hawaii ana kekahi lahui naauao loa.