Nupepa Puka La Kuokoa, Volume I, Number 49, 17 April 1893 — Ku[Illegible]mukanawai o Amerika Huipuia. [ARTICLE]

Ku[Illegible] mukanawai o Amerika Huipuia.

I ka nooaoo ana no ke ano e ’ lawelawe ia ai ke Anpuni ma Ameiika Huipuia. ua hiki mai 1 la kakou i ka Mana Hookolo- ' kolo. Maanei, e loaa aua ia kakou he mau papa o na Aha Hookolokolo Lahui maluna ae o na aha hookolokolo aupuni mokuaina a i kuokoa loa mai ka Peresidena a i ole na ahaolelo Lahui aku. A i mea e hooi loa ia aku ai ko na luna- . kanawai kuokoa, ua koho ia lakou no ka manawa a pau ke ola ana, oia hoi aole lakou e hoopau ia aia wale no ma ka hoopii luna nui ia no ka hana hewa, a na ka Aha Senate lakon e hookolokolo. Aole no hoi e hoeiui ia ko lakou mau uku makahiki oiai lakou e noho ana ma ka oihana. 0 ka Aha Hookolokolo Kiekie, oia ka aha kiekie loa o Amerika Huipuia, ahe eiwa ko lakou n ui. 0 ko lakou kulana, aia no malalo koke akuo ka Peresidena ma ka hanohano. Malalo aku o ka Aha Kiekie, he 9 mau aha hookolokolo kaa- ' puni, a mai keia mau aha aku, e hali loa ia ai na hoopii imua 0 ka Aha Kiekie. He mana ko ka Aha Kiekie e hooholo i ke ku a me ke ku ole i ke Kumukanawai o na . kanawai a na Ahaolelo Lahui 1 hooholo ai, na hihia i komo ai na haole o na aina e, na hihia a pau i ulu ae ma ka moana a me na hakihaki i na kanawai lahui. He poe naauao loa na lunakanawai o ka Aha Kiekie a he poe inoa maemae. Aole o lakou mea i hoohuoi ia no ka lawe waiwai kipe a hana ino e ae. Nolaila i mahalo ia ai ka Aha Kiekie e na poe a pau, a haaheo hoi ka lahui no lakou. Ua like me ka huila hookaulike nana e hooponopono i ka hoohana ana i na mekini o ke aupuni o Amerika Huipuia. 0 ka hapanui o na hana karaima, aia no maloko mai o ka mana o na aha hookolokolo mokuaina. 0 kekahi o na karaima e hookolokolo ia ai e na Aha .Hookolokolo Lahui, oia ka

ohumu iuo a i ole ke kipi, na ka karaima a pau i hana ia ma ka moana, hoopae opiuma malu a mau waiwai kalepa e ae, hana apuka ike dala, aihue mailoko mai oka hale leta, a i ole powa paha i ke eke leta a o ka hana hewa paha a>ka luna aupuni lahui. Ke ahewa ia ke kipi, alaila 0 kona hoopai he make a i ole ma ka hoopaahao e like me ka manao o na lunakanawai, aole e emi malalo ona makahiki elima. Ke hoopaa nei ke Kumukanawai i kela a me keia mokuaina i aupuni ripubalika kuokoa. a e kokua aku ana ke Aupuni Lahui ina mokuaina a pau mai ke kipi mai a kaua ia mai paha ma ke noi aka Ahaolelo a Kiaaina paha. Ua hoike ae nei makou i na mea ano nui o ke Kumukanawai o Amerika Huipuia. He mea paakiki loa ke hoololi ia. 1 mea e hiki ai ke hoololi, he mea pono e hoolala ia ē elua hapakolu o naAhaolelo Lahui, a e apono ia e ekolu hapaha o na ahaolelo a pau o na mokuaina. Aka aole mokuaina me kona ae ole e hoonele ia i kona mau elele kupono i ka Aha Senate.