Nupepa Puka La Kuokoa, Volume I, Number 49, 17 April 1893 — "Maikai Kauai Hemolele i ka Malie." [ARTICLE]

"Maikai Kauai Hemolele i ka Malie."

Ua hoouna mai nei na mo-kupuni-o Kauai a me Niihau i na elele a ka hui hoohui aina oia mau moku e holo mai a e kipa aku e ike i ke Komisina Amei’ika Blount. Ma ka Mikahala o ke Sabati aku nei. ua 4 hiki inai keia mau elele, a o ko lakou mau inoa, oia’no o H. P. Baldwin, Rev. J. Kanoho, G. N. Wilcpx, Gēoge Mundon, William Blaisdell a me W, H. Rice. 0ka makamua keia o na elele ona mokupuni mawaho aku o Oahu i hiki mai e ike kumaka i ke Komisina, a e hoike aku imua ona ika manao o ka poe kupono i ke koho balota nana lakou i hoouna maL Ma keia mau la aku e hiki mai ana kekahi mau elele hou aku no na mokupuni mai o Hawaii ame na mpkupuni o Maui.