Nupepa Puka La Kuokoa, Volume I, Number 86, 21 June 1893 — Akahele na Olelo a Kali valana. [ARTICLE]

Akahele na Olelo a Kali valana.

Ua kamailio akahele loa mai 0 Peresidena Kalivalana i ke Kuhina Hawaii Kakina, aole i hoike inai i kekahi manao kue 1 ka hoo'huiaina, aole no hoi i hoopnka i kekahi huaolelo e hoolana nui ai i ka manao no ia mea. Ke waiho nei ka Peresidena i kela kumnhana nui e noonoo akahele ia, mahope o ka loaa ana oka BIount mau mea e hoike ai. He kumu no keia e hauoli ai kakou apau, ona huaolelo aloha iko Hawaii nei lahui a Kalivalana i hoopukaai, me he la e imi ana oia me ka malama loa ina mea kupono e pipili ai ke aloha mawāena o Āmenka a me Kawaii nei. Ma ka nana ana, he makamaka alohao Kalivalana no kalahui Hawaii, a e imi ana i na mea e knonoono ai kakou; Ua maopopo nae, ke koe uei ma ko ka Peresidena : noonoo kekahimau kumu e kanalua ai no ka pono o ka hoohuiaina. Ua lāna loā ko makou manao, aole e liuliu ka manawa a e pau ana kela mau kumu kanalua ike auhee. Eia na kumu e kanalua ai—Akahi, no ke kohu ole paha o ka hoohuiaina me na loina kahiko oke aupuni. Oia no paha kela mau kumu a kela Lunakanawai Cooley i hoonuinui olelo ai. Aia a hoopaapaa ia kela mau kumu ma ka Ahaolelo Lahui a me na nupepa, e pau koke ana kelakanalua. 0 ka lua o na kumu a ka Peresidena i kanalua ai, oia no kona makemake ole e hoohui ika lahui e, ina he kue ino loa ka lehulehu i kelā mea, a hehi wale ia ka pono o ka lehulehn ma ia hana. Ma ko makou manao, aohe e liuliu a e hoomaopopo ana o Kalivalana, aohe kumu kupono e hopohopo ai oia no ia mea. Eia nae kekahi mea i maopopo loa, aohe o Kalivalana manao e hoihoi ae i ke aupuni Moi ma Hawaii nei; ua kaawale loa ia manao i kona noonoo ana. Aole hoi o Blount iao aku iaia he mea pono kela e hana ai. He hoka loa ana keia o ka poe kokua hoihoi Moiwahine. Aole loa o Kalivalana laua o Blount ma ko lakou aoao.