Nupepa Puka La Kuokoa, Volume I, Number 96, 11 July 1893 — Na Mea Hou Nui o na Aina e. [ARTICLE]

Na Mea Hou Nui o na Aina e.

Ka Kooīeui Welheell o na Mokuīeaua Beritanla . I ka hookai ana o ka ihu hao loihi o Camperdown i ka VIctoria, ua komo loa iwaena a hala ewalu minute o ka hoemi ana 1 hope hemo mai ana. 0ka huli no ia o ka ihu o Victoria a holo iuka o kuaau. Hala paha elua mile o kona kahuli no ia ma ka aoao akau, a komo loa ka 5hu ilalo o ke kai. Kahuli lea iho la ka moku nul me ka iwlkaele iluna, o na huila elua hoi e kapalulu ana iluna o ke kai. Poholo iho la ka moku, ua piha i ke kai e poai ana i na kanaka e au ana, a i lele aku. I ka poholo anu o ka moku ilalo loa, he mimiio nui ana ko ke kai, me na huila e kaa ana mawaena. Ua mimilo ia ae la na kanaka iloko o ka huila a pau i ka okioki ia e na epaepa nui o na huila, a lana hou mai la maluna na lala i okioki ia a liilii. la manawa pahu na ipuhao, pii mai ka waiwela, a wela kekahi poe. Ua hooikaika loa na waapa o na manuwa eae e hoopakele i na ola o ka poe i koe, eia nae o ka hapanui ua pau pu i ka make me ka Adimarala Tryon pu. hanakila ka emepeka w-iliama MA GEEEMANIA. Ma ke koho balota ana mai nei ma Geremania, ua lanakila ka aoao oka Emepera. Ua kohoia he 205 na lunamakaainaua ma kona aoao, a he 187 ma ka aoao kue i kona manao. Eia ke kumu paio, no ka makemakeo ka’Emepeml 00,000 mau koa hou aku. Ua hoole ka poe kue no ka nui o ka lilo. ia mea, ua kipaku aku ka Emepera i ka ahaolelo mua, a kauoha e koho balota hou. Ua holo kona makemake, a e hoonui hou ia ana na pualikoa.