Nupepa Puka La Kuokoa, Volume I, Number 102, 20 July 1893 — He Kumakaia i ka Ekalesia o Kaumakapili. [ARTICLE]

He Kumakaia i ka Ekalesia o Kaumakapili.

Hooaaa ia. Ua lolie mai nae au, i ae ia o J. Alapai i mea kanana i ke kahunapule, ua ike ia ka ka hewa, ua hiki no ka ke hele a hiki i ka wa e oki aku ai. no ka mea, ua hookauwa aku ke Akua ia Satana e hana i kona makemake. Mahea la kapauku Eaihala e hoike mai ana i ka oiaio o ia mea? Ina pela ka manao ana o ka poe i au’a ia Alapai, alaila, ua like me ka olelo mai, na hemahema ke Akua, aole i lawa i ka Uhane Hemolele ke kokua ana i haawi max ai no kana hana, aia ka a na diabolo e hana i kona makemake. Aia la mahea ka pauku Baibala e hoike mai ana, ua hemahema ka Uhane Hemolele i ka hana i ka makemake o ke Akua? Ke waiho nei au i keia mau ninau imua .o onkou e ka poe e olelo nei, ua au’a oukou ia Alapai i diabalo nana e kanana i ke kahūnapule o kakou, a meke kumu o ka hiki ole ana ika Uhane Hemolele o ke Akua ke kanana. Auhea oukou e ka poe e manaoana pela, e nana iho oukou ma Isaia 30:27 —8, e loaa ana ia oukou malaila, penei: 0 Iehova ka mea nana i kanana i na lahuikanaka, i ke kanana 6 ka make. Aia mahea 0 Satana e kanana ana no ka makemake o ke Akua? Ua hoike ia mai anei malaila aole hiki i kc Akua ke kanana? Aole, aole loa, e na hoahanau. Eia hou kekahi ma Amosa 9:1—10, e loaa bou ia oukou malaila; 0 ka pahikaua a lehova, ka mea nana i kanana 1 ko ka hale o ka Isaraela. Aole o ka Satana pahikaua, e like me ko oukou manao, ua hoounauna ia o Satana e kanana no ka makemake o ke "Akua, aole loa pela, no ka mea, ma na ano a pau, ua lawa o Iehova nona iho, ma na mea a pau ana i manao ai. Ina e kanana o Satana, aole ia no ka makemake o ke Akua, aka, nona iho no. Ina e kauana ke Akua, e puehu no ka opala, aole e paa i kana kanana, ua koe ka-io, ua paa loa i kana kanana! Ina hoi e kanana o Satana, ua puehu ka io, ua paa loa ka opala i kana kanana. E nana iho oukou i ke kanana a Alapai. ke diabolo hoi a oukou e olelo nei nana e kanana i ka Ekalesia o kakou, a e ike no oukou i ka oiaio o na mea a’u e hoike nei, he opala ka mea paa ikana kanana, no ka mea, oia iho la no ka mea paa iaia; aole o ka io, pela no i hoikeia ai ma Luk. 22:31. Ua hoike mai o Tesu ia Petero,

■ ua noi mai o Satana i kana mau haumana e kanana ia lakou e like me ka huapalaoa. Ma na ano a pau, aole i hoike mai o Iesu, ua nouoi aku ke Akua ia Satana e kanana mai no kona makemake, ua nonoi 0 Satana e kanana ia i kana mau haumana, ua ae aku ke Akua i kona makemake; nolaila, ike oukon he opala ka mea 1 paa i kaua kanana', puehu aku ka io, aole e paa iaia. Ma keia manao o oukou e au’a ia Alapai, ua maopopo loa ko oukou haule pio malalo ona, ke auamo pu nei oukou i kona hewa hoomanamana, he hoa lawehana hoi no ia hanauna, loane 1:11. No ka mea, ua hilinai, a ua paulele oukou 0 ke kanana a diabolo ka mea e lanakila ai ka pono. Ua ike no oukou a o kakou no a pau, mai ka manawa a ko kakou makua i aloha nui ia (James Eieknell) a hikii kona wa i hoomaha ai, aole oia 1 a J o mai ia kakou, o ke diabolo ko kakou kokua e kinai ai i na hanaino, Aka, o kanai a’o mai ai e huli nui i ka Palapala Hemolele a me ka paulele i ke kokua ana mai o ka Uhaue Hemolele, oia ka mea nana e kinai i na hanaino, a me ka hoomalamalama ana i ka naau o na kanaka. Ho ko’u lohe ole i kona a’o mai pela, nolaila au e waiho aku nei imua o oukou, e hai mai i na ninau i hoike ia maluna ae, no ka mea, o ka Euanelio kahiko no kai loaa ia’u e hke me ka’u i hoike ae la, he euanelio hou hoi kena ua makemake nui e loaa mai. Ina aole pela, alaila, ke nonoi aku nei au ia oukou e kipaku iaia mailoko ae o ke kihapai o ke Akua, no ka mea, pela no ke Akua i hana ai ia Adamu ma. E hilinai, a e paulele oukou i na mea i a’o ia mai ai kakou, pela ke Akua e kokua mai ai ia kakou, aole i pokole ka lima o Iehova, he kokua pokole i na wa a pau, mai hilinai oukou i ke kauwa a Satana a oia ka mea nana e hana ka makemake o ke Akua. Aole e nele o Iehova i ke ka- ! naka ola, o oukou kona poe kanaka ke hana i ka pono. Inar aole pela, e kapae no o īehova ia oukou, e like me Saulo i haalele ia ai no ka hoo- : lohe ole i ka leo o Iehova, ne- • la oia e hana mai ai ia oukou, • no ka mea, ua minamina oukou i ke'kanaka i maopopo loa kona hewa i na mea a pau, : nana e hokai nei i ka pono o ko kakou Ekalesia, he, kuma- ; kaia maopopo hoi i kona inoa maikai. Me ka poe o' heluhelu ana, na keiki hoonohohua, a me ka - lunahooponopono ko’u aloha. Owau iho no kekahi hoahanau o Kaumakapili. Honolulu.