Nupepa Puka La Kuokoa, Volume I, Number 104, 25 July 1893 — Na Aie o Samuela Paka. [ARTICLE]

Na Aie o Samuela Paka.

Me ka minamina maoli ko makou ike ana iho i ka haule ana o keia hoakanaka waiwai o kakou iloko o ka pilikia aie kaa ole. TJa halawai nui ae i ka Poakahi nei ka Samuela Paka poe i aie aku ai ma ke Keena o ka Papa Kalepa, no lakou na ānoa he 37, he nui aku no koe- aole i pau mai. Ua lilo o Mr. John Eua i lunahoomalu no ka halawai, a o T. R. Walker i kakauolelo. Ua hoike mai o P. C. Jones i ke kulana o ko Paka waiwai a me na aie e ku nei. 0 kona aie a pau i hoomaopopo lea ia, he $282,850. Ua hoopaa ia na waiwai he $232,000 ma na moraki. He $50,000 a oi aku, he aie kauliilii aole waiwai i hoopaa ia. Ua koho ia he komite nana e hulPpono a hoike mai, oia o H. Ā. Wielemann, W. C. Wilder, H. Poeke, ke hui pu ia me P. C. Jones laua o W. F. Allen na kahu waiwai no ka moraki helu akahi. Ha keia komite e hali pono ika nui a me ka pono maoli o na waiwai o Paka, a na lakou e hoike mai i ka poe i aie ai aohe waiwai i hoopaa ia. E kahea ia ana Jka halawai o kela poe i aie ia aku ai mamua 0 ka Poaono, no ka mea i ka Poaono e hapai ia anaka hana hoopii hanakarupa imua o ka aha hookolokolo. Hookahi mea maopopo iea, ua haule a helelei loa kekahi puu waiwai nui o ka ohana hanohano mai ua kupuna mai, j no ka malama pouo ole ia. 1 „