Nupepa Puka La Kuokoa, Volume I, Number 118, 17 August 1893 — Ua Makapo ka Holomua lopa Anee Alii. [ARTICLE]

Ua Makapo ka Holomua lopa Anee Alii.

Ua hoole aku makou ika oiaio ole oka hoolaha a keia nupepa lopa anee alii. Aole loa he kuikahi i hoouna ia, e nana ma ka makou pepa o ka Poakahi nei, Augate 17. Ma ko makou hui pu ana me ka Peresidena oke Aupuni Kuikawa ame na hoa oka Aha Kuka. Heaha aku ka mea i kōe mawaho aku oka oiaio ? Ua hiki ike diabolo ke kapa aku ika oiaio he hoopunipuni, e like me ka e kapa mai nei ia makou he alapahi. Ke apakau ae nei no na aina leialii. e noho malie ka iwi mas loo, ua hoike aku makou eia be hana nei ke aupuni he kanawai e haawi ana ina aina leialii no na kanaka, i loaa ai i mau home noho no lakou. Eka lahui, hoolohe ia aku ka hoolaha a ka Holomua i pono oukou, ao ka poe no e hoolohe ana i ka makou o lakou no ke pono ana. Aole loa makou e hoi hope ana no keia kumuhana i waiho ia mai imua o ko makou alo e hoike aku i ka lehulehu, a i hoolohe ole ka lahui aole maluna o makou ia hewa. Aole e poho ka manaolana o ka poe nonoi i na aina leialii, me ka manao paha o ka Holomua he like keia hana me ka ono ae i ka wai lalau ae no ka lima o ka pau ae la no ia o ka pilikia. Ke hoomakaukau nei ke aupuui no keia hana nui.