Nupepa Puka La Kuokoa, Volume I, Number 130, 7 September 1893 — Haule ka Wanana a na Nupepa Anee Alii. [ARTICLE]

Haule ka Wanana a na Nupepa Anee Alii.

Eia no ia makou na nupepa anee alii o kela mau la aku nei, aia maloko oia mau nupepa e hoike ana imua o ka lahui a keia pule oia ka Poaono ke ku ole mai ka mokuahi i keia Poakolu, e hiki mai ai na lono oiaio no ka hoihoi hou ia ae o ka Moiwahine ma ka noho alii. I ke kn ana mai nei o ka Australia i ke kakahiaka Poakolu nei, aole he lono no ka hoihoi hou ia ae o ka Moi. Ua puni maoli no na kauaka i keia mau nupepa e hoopunipuni mau ia nei, a ua hei maoli no lakou ika upena ake diabolo, elike me ka i-a i hei i ka upena a paa i ka haaliali, a paa loa ike kumu pihapiha a aohe wahi e hemo ai. Ke kukala leo nui nei ua mau nupepa nei ua make loa ka hoohuiaina, he moeuhane palaualelo ka keia mau nupepa e alapahi nei. . Aole loa makou e kala i hoole mua aku ai, aole e loaa he alanui ahe mehen hoi e loaa ai he wahi moali e hiki hou ai ka Moi ma ka nohoalii, ke hiki hou oia ilaila, e huli i ka punana oke kolea a loaa, alaila, lihi launa aku ilaila. Ua maopopo i ka noe naauao ke kulana oke aupuni i keia wa, ame ke kulana o ke aupuni Moi i kipaku ia, koe wale no ka poe i noho la eka manao huahua a me ka lili ina mikanele. E nana ae eka lehulehu o ke kulanakauhale nei i ko oukou hoopahulu mauiae'keia mau nupepa, a ua oukou e kaupaona i ka mea oiaio a me ka mea alapahi. He oia mau ke Kuokoa e hoike mau aku nei i ka oiaio, ahea la naauao ae ka lahui.