Nupepa Puka La Kuokoa, Volume I, Number 141, 27 September 1893 — Ua Hala ka Wa Kuokoa no Hawaii. [ARTICLE]

Ua Hala ka Wa Kuokoa no Hawaii.

Ke wailio nei keia kumuhaua o Hawaii imua o Kalivalana a me kona Aha Kuhina. Elua wale no ano manao nui a lakou e noonoo ai; Akahi, o ka hoohuiaina; alua, o ka hoomalu mai. 0 ka noho kuokoa ana o Hawaii e like me mamua, aole kela e noonoo ia ana. Ua maopopo lea ia lakou a me na kanaka noeau a pau loa, he mea hiki ole loa ko Hawaii hoomau ana i ka noho Aupuni kuokoaana. He nui na Aupuni mawaho e hokai ana iaia, e like me lapana e hoao nei e hana. Aole hiki ia Hawaii liilii ke pale aku i na Aupuni nui. Aia wale no ma ka hoomalu ana mai a Amerika Huipuia e lanakila ai. Nolaila, ua hala i hope kona wa e noho kuokoa hou ai. Pela no hoi na hemahema o Hawaii no na pilikia kuloko. He nuina lahui waihooluu like ole e noho pu nei, me ka lokahi ole o na manao. He Europa, he Eawaii, he Pake, he lapana, he ano kue kekahi i kekahi. Ua maopopo loa no i ka poe anee Alii, ina no e hoihoi ia ka Moiwahine, he mea hiki ple loa iaia ke hoomau ma ka nohoalii, ke ole o Amerika e hoomalu mai iaia. Aole hiki i ka Moi o Hawaii ke pale aku i na enemi kuloko e kipi ana iaia. Nolaila ua pau loa, ua make kanu loa ia ba noho kuokoa ana o Hawaii ma keia mua aku. Malia paha, he mea hiki i na haole ili keokeo ke noho lanakila mau maluna o na enemi kuloko, no ka mea he poe naauao lakou a me ka ikaika. Aka, he nui ka luhi a me ke poho o na dala i ka hoomau ana i na puali koa e like me keia wa, he mea no hoi ia e nui ai na manao ukiuki a me ka ohumu kue. 0 ka hoomalu wale ia mai no ka mea e pouo ai. No ba maopopo loa o keia kulana hemahema o Hawaii e noho nei, a ua manao iki o Kalivalaua ma e hookuu wale i mai ia kakou e noho lanakila Ime ka hoomalu ole ia mai. ■ īna manao lakou pela, ina ua l pihoihoi like me ka weliweli i ka aoao alii. a ine ka aoao hoo- : huiaina. Eia no ko kakou waa . mawaeaa o ua nalu e popoi ■ ana iaia, ina e kokua ole mai |ka moku nui o Ameiika, e ; make loa ana. ! Ua maopopo ka oiaio o keia mea, ua pau ka noho kuokoa *

o Hav/aii. Ina psla, mahea la ta oi o ko kakou pomaikai. Aia anei ma ke kukulu ana. i aupuni hoomalu ia, aia paha ma ka hoohui ia me Amerika a lilo i tentore? Ua maopopo lea, aia no ka pomaikai, ke kuonoono, ka maluhia ame ka hanohano ma ko kakou lilo ana i teritore. 0ka hoomalu ia, he kulana kauwa kuapaa kela. 0ka hoomalma he teritore, he hookama ia no kela ma ke kulana keiki hanohano, a mahope lilo i Mokuaina a i hoa hanohano no ka ohana nui a me ke kaulana no Amerika Huipuia. 0 ka poe hoohui aina no ka poe e imi nei i ke kulana hanohano a me ka pomaikai no ka lahui Hawaii. 0ka poe anee alii ka poe e hoohaahaa a e hoopoino nei i ko kakou aina a me ka lahui.