Nupepa Puka La Kuokoa, Volume I, Number 142, 28 September 1893 — Hoomanao La Hanau. [ARTICLE]

Hoomanao La Hanau.

Ma Waikahalulu, Poalua, Sepatemaba 26, ua malama ae o Mr. a me Mrs. J. K. Kahookano, he \yahi paiiaa hoomanao la hanau no ka laua kamalei i aloha nui ia oia o Mareka Kahookano, no ka puni ana iaia hookahi makahiki i keia ao malamalama. Ua panee ia ae imua o ka poe i hiki 'ae he papaaina i luuluu i na mea ai, ua ai a ua lawa i na kohi kelekele a ka puukolu, ua inu a kena i ka wai hooma-u puu e mau ai i ka wai a ka naulu. Ma na hora aluna ahiahi, he mau leo himeni nahenahe i awili pu ia

me ka hoenē malie a ka pila gita, he ku maoli no i ka nani a me ka nanea, Ua hoomau ia aku no keia mau hoonanea ana a hiki i na hora liilii oke aumoe. Me ke kama nona ka la hanau ka’u kanaenae ana, e hooloihi ia j ma.i kona mau la a kanikoo a { palalauhala, a ku-i-ee pu iloko | o ka nani o Iesu Kristo. | Me ka mahalo, j S. H. Kauilaokalani. j