Nupepa Puka La Kuokoa, Volume I, Number 143, 2 October 1893 — No ka Ninau e Hawaii ma Wasinetona. [ARTICLE]

No ka Ninau e Hawaii ma Wasinetona.

I ka Poalima i liala i ku mai ai ka "Alameda.' ! eia nae, aohe uo he mau mea hou ma na nupepa no ko Kalivilana ma hooholo manao ma ka ninau o Hawaii, ua loaa nae ma na leta mai kekahi mau mea maopopo penei: Aole i hoike mai o Kalivalana, aole hoi o Gresham, i ko laua manao i na Elele o ke aupuni Hawaii raa Wasinetona, oia o Kakiua laua o Alekanedero, he mumule pu wale no, Ua loaa mai nae ka oiaio o ke ano nui o na mea e kuka ia nei mawaena o ke Kuhina Gresham laua o Blount. Ua ano like no ka hapanui me kela olelo a ka Hemkl o ka la S o Sepatemaba, koe nae ka mea a ka poe anee alii i hauoli ai. Aole e koho balota ana na kanaka a hooholo i ke ano o ke aupuni a lakou i makemake ai. Ua hoka loa ka poe anee alii ma kela mea. Ua kukaawale loa ia ko Kalivalana ma manao mai ka ae ana £ku e kukulu hou ia ke aupuni alii ma Hawaii nei. He kapulu ka haua o kela ano aupuni, aohe e loaa ka maluhia a me ke kuonoono malaila. E kakoo ana o Amerika Huipuia i ke aupuni kuikawa, mamuli o ka maikai loa o kana hookele ana, a hiki i ,ka wa e hoolala ai i aupuni Eipuhalika me na luua i kohoia e na kanaka kupono i ke koho. Aole e haawiia ana ka mana koho balota i ka iehulehu. E hoohaikiia aua ka mana koho i pono ai ke koho naauao. Pela e loaa ai he aupum ma Hawaii nana e hoomau i ka malama pono ana i na hana nui ma keia kiko waena koikoi o ka moana Pakipika, i ole ai e aui ae i na hana hupo a me ka pakaha wale e like me ka Loteri. Aia a kukuluia maanei ua aupuni hou la, alaila, na Amerika e koo aku i kela aupuni, i ole e hookahuli ia e na hoohau naele kuioko. Aole nae o Amerika e hokai mai ana ma kona • mau hana kuloko. Ma na mea i kuwaho nae e hoomalu ikaika ' 1 ana o Amerika, a iaia wale no , ka hooholo ana no na hana me ,1 ko na ama e. || Pela na manao e hoolala ia |nei e Greshanr laua o Blount !! no ke kukulu ana i aupuni hoo ■ i maluia ma Hawaii nei. Aia a , maopopo ka laua mau mauao i hoolala, a hoapono ka Peresidena, alaila, e waihoia kela ! manao imua o na elele o ke f'Aupuni Kuikawa, a i ole ia,

— - imua o na poo aupuni ma Houolulu nei ? a aelike mai ke aupuni Hawaii e haua i kuikahi ma ia ano. alaila, ma o ka hooholo loa ana o ka Aha Senate ma Wa$inetona ? e mana ai ua kuikahi la. Aohe o makou kanalua i ka pololei o keia wehewehe ana. Malia aole paha no keia manawa e hooko ia ai ko makou makemake e hoohui koke ? aka i ka hakilo ana uae, e loaa ana ke aupuni maluhia a me ka hookele maikai ia ? e holomua ai o Hawaii me ka maikai a me ke : knonoouo. Mahope aku, he lana ko makou manao ? e ae ia ana o Hawaii e komo pu aku ; maloko o ka ohaua hanohano o na mokuaina o Amerika ■ Huipuia.