Nupepa Puka La Kuokoa, Volume I, Number 144, 3 October 1893 — Hoka Hou na Anee Alii. [ARTICLE]

Hoka Hou na Anee Alii.

(Kakauia eoal.) Ma ke kakahiaka Poalima i hala. Sepatemaba 29, i ka wa i ku mai ai ka “Alameda" mai Kapalakiko mai, ua moe ae ke kaoo a na anee alii no ka uwapo, na wahme me na hainaka ulaula ma na a-i, na kane no hoi me na helehelena ioena no ka manao nui e lohe ia mai ka nuhou e hoihoi ia ae ana ka Moiwahine i kipaku ia mai ka noho alii aku. A o ke kaula lioopunipuni nui kekahi o ka hoomana Poaono ole wale.

I ka hiki ana i ka uwapo, j aole he nuhou i lohe ia mai no ka hoihoi ae i ka Moiwahine ma ka noho alii, nolaila, ua loha iho la na eheu me he mea la ua pulu i ka ua, a o ua kaula hoopunipuni la, ua hoi ae me na helehelena kaumaha a ma ke kihi o kekahi halekuai kahi i ku lohaloha ai. Ua makaukau na puaa, na moa, no ka ahaaina nui ana anee alii no ka hoihoi ae ika Moi, o na pahu hae kekahi e hoomakaukau nui ia nei, ua loaa na hae a lakou, i hakalia wale no ika mokuahi “Alameda" a ku mai me na lono oiaio ole a Ka Leo i hoopunipuni iho nei i ka lahui. Ua hoka loa ua poe nei, a ua hoike aku makou i ka oiaio ole o ke koho balota o ka lahui no ke aupuni a lakou e makemake ai, oiai, ua loaa mai na lono oiaio ia makou mai ke Kuhina noho mai o Hawaii nei e noho la ma ke alo ona j poo aupuni o Ameiika. Aole nae he maliu ia mai. Hui ka leo oke kaula oka hoomana Poaono i ke kahea ma kana uupepa o na la i hala ae nei. E noho malie oukou e ka lahui, aia a ku mai ka mokuahi “Alameela” i keia Poaha ae, e hiki mai ana na lono no ka hoihoi ae i ka Moi ma ka noho alii. Heaha iho la ka mea i hoka ai? Ke hilinai nei Ka leo a me ka Holomua i ka nupepa a Noadofa hoopunipuni he oiaio. Kuhihewa maoh no keia mau nupepa e alakai makapo ia_nei. Eia “kā mea oiaio, aole he noonoo ia o Liliuokalani a me Kaiulani e ka Peresidena a me na Kuhiaa, ua pau ko laua kuieana maluna o ka noho alii, a o ke aupuni a Amerika e ike mai ai oia ke Aupuni Kuikawa i noho Peresidena ia e S. B. Dcle, kokahi o ua keiki a: na mikanele a Bush e kuamu-! amu mau nei, a ua hiki mai ka wa a na poe keiki la e noho muna ai maluna o Eush a kau iho i na wawae ma kona ka-ni-a-i.