Nupepa Puka La Kuokoa, Volume I, Number 148, 10 October 1893 — No ka Ninau a Hauaii ma Wasinetona. [ARTICLE]

No ka Ninau a Hauaii ma Wasinetona.

Ma na palapala i loaamai nei ma ka la 7 o Okatoba, aohe mea i pnka a maka maoli mai no ko Kalivalana ma mau hoolala hana no ka ninau o Hawaii nei. Ua hoomaopopo loa ia no nae ka oiaio o na mea i loaa mua ia kakou, o ke Aupuni Kuikawa wale iho no ke aupuni i hilinai ia e ka Pere- | sideua, a aohe loa oia e nana iki aku ana i ke aupuni alii, oiai ua nahaha a helelei loa ia aupani a make kauu. Ke hooponopono a hoolala ia nei na mea e kuikahi a e aelike ai me ke Aupuni Kuikawa no kā hoomalu pono ana mai 0 Amei'ika Huipuia i ikaika e maluhia ai o Hawaii, a e pomaikai ai no hoi o Amerika Huipuia ia ia. He mau kumu no e pohihihi ai, a nolaila keia hookaulua ana a hoouna awiwi ole mai ia Wilhs, ke Kuhina hou. Ua upu ia nana aku ana e kuka pu me na kuhina o ke aupuni ma Honolulu no kekahi mau hana. Ua manao ia, aia a hapai ia ke kumuhana o Hawaii maloko o ka Ahaolelo Senate, e nui aua no ka hoopaapaa a me ka hoohalahala ana i ka Peresidena no kona awiwi ole 1 ka hoohuiaina, a no ka pono ole oka hoopanee ia ana. Ke kali nei kakou a pau o ka puka mai o ka Blount palapala hoike, aka ke mau nei no nae ka huna ia o kela hoike. Aole nae paha hoi e liuiiu ana a hoopuka ia, alaila loa mai i Hawaii nei.