Nupepa Puka La Kuokoa, Volume I, Number 159, 30 October 1893 — Ka Hoohui Aina. [ARTICLE]

Ka Hoohui Aina .

0 ka BrooJdyn Eagle kekahi ia o na nupepa Democarata koikoi, nana i paio kue mau i ka hoohui ia Hawaii. I keia wa mai nei nae, ke hoike mai nei ua Eagle la i na manao kokua ikaika ma ka aoao e hoohui aku ia Hawaii. Penei ke ano nui o kekahi o na olelo loihi i hoopuka ia e ia nupepa:

“Ma ka pule i hala. he mau kuka ano nui ko ka Peresielena me ke Kuhina nui Gres- ! ham a me JMr. Blount no na ! mea pili ia Havraii. Aohe nae akaka na mea i hooholo ia, a ke kali nei na luna aupum kiekie e lohe naekahopohopo loa. Ma ka manao o na luna mokukaua, he kumuhana koikoi loa ke kulana o ke Aupuni o Amerika no ka inea pili ia Hawaii a me Samoa. ! ' Ua kamailio mai kekahi luna mokukaua kiekie i hoi mai nei mai ka moana Pakipika mai, penei: “Oiai e hapai ia ana ke kumuhana o Hawaii imua o ke Aupuni o Amei'ika, a e hoolala ponoi ia ana na hana, pela no hoi e pono ai ke kumuhana o Samoa e noonoo ia ai. He ano like no na mea elua. Ina e manao ia o Hawaii he lala kuwaho no ke Aupunio Ameiika e pono ai ke maluhia i ka wa kaua, e pono ai no hoi ko kakou pahola ana aku i ka wa kaua ole, pela ho hoi ko Samoa pono ia kakou i ka hoolanakila ana ma ka moana Pakipika. Ko ka hele ana o Amerika imua a mahuahua loa ma ka waiwai a me ka heluna kanaka, nolaila, ua pono iaia e nana a e hoomakaukau mua i na mea e holo ai kona lanakila ma na aoao a pau. E nana pono o Amei'ika o lilo e o Hawaii a o Samoa paha malalo o kekahi hae malihini e hoohaiki ia ai ko kakou nee mahuahua ana. E hoomalu ia Hawaii a e hoohui mai paha iaia. E hoomalu hoi ia Samoa; e kauoha aku ia Geremania 9 hooM loaikona hokai ana malaila, alaila e loaa ana ma Samoa ka maluhia a me ke aupuni maikai.” Ua maopopo ma keia mau olelo, ke ulu nui nei mawaena o ka poe Demokarata ka manao kokua i ka hoohui ia Hawaii. Me he la, o Kalivalana ma no hoi kekahi e huli ikaika mai nei e kokua i ka aoao hoohuiaina. Ke. upu nei makou a hiM mai ke Kuhina ■Willis, e loaa mai no na kumu e hauoli nui ai na naau o ka poe hoohuiaina.