Nupepa Puka La Kuokoa, Volume I, Number 161, 1 November 1893 — E Pomaikai ana na Hawaii Malalo o ke Aupuni Hou. [ARTICLE]

E Pomaikai ana na Hawaii Malalo o ke Aupuni Hou.

Okekahi o na olelo wahahee s lokoino maoli e pakaukau hele ia nei e ka poe anee alii, oia no keia; Ke manao nei na haole e hoonele loa i na kanaka Hawaii i ko lakou mau kuleana, a e kipaku ia lakou e hele hnli i ko lakou ola ma na

kuahiwi. Ua ike lea kakou a pau, ke laha nui nei keia mau olelo lapuwale loa e hoopihoihoi ai ina kanaka. Ua kapaia ua luna nui o ke Aupuni iiuikawa he poe enemi no ua kanaka maoli, oiai nae he poe lakou i noho mau me ke aloha nui ina kanaka Hawaii. Ua kaulana o Dole, Daraon, Kamika, he poe hana mau i na hana aloha i ua kanaka kamaaina o ko iakou one hanau. He poe keiki no hoi i hilinai ia ma ka lakou mau hana ponoi iho a pau. Ke imi nei ke Aupuni Kuikawa i ka pomaikai oi no na kanaka kamaaina kahiko ma Hawaii nei. Eia kekahi ona pomaikai nui i manao iano lakou. Aia a maopopo ma ke kanawai ke kuleana o na Aina Leialii, ua lilo loa malalo o ka mana o ke aupuni, alaila, e mahelehele la ana kekahi mau apana aina maikai loa o ua mau aina la, a e haawi ia aku i mau ama hookuleana kupono no kela a me keia kanaka Hawaii e makemake ana e hele malaila a noho ai. Aole ma ka uku hoolimalima e haawi ai, e like me na aina ma Olaa e haawi ia nei, aka, ma ka hoolilo ana i kela mau aina ma ke ano Alodio, e lilo loa aku, no na kanaka nana e miki mai ana i keia mea maikai a noho maluna ihō. Ee ike nei kakou, ke noho nei no na kanaka Hawaii me ka maluhia a me ka pomaikai malalo o ka malu o ke Aupuni Kuikawa, meka hoopilikia ole ia. Nolaila, he poe makamaka aloha maoli io keia e malama mai nei i. na. hana aupnni. Aohe makoui ike iki he kumu kekahi e hopohopo ai na kanaka ia lakou. Ua holo pono na hana a pau, piha mau ka waihona dala, a pololei no hoi ka hookele ana i ke aupuni. Ke noho pu nei kakon a pau me ka olnolu. Hookahi mea nui i koe, oia 'ke kakoo ia mai o ke aupuni a onipaa loa malalo o -ka malu o ka hae nani o Amērika Euipuia.