Nupepa Puka La Kuokoa, Volume I, Number 161, 1 November 1893 — Holo Huli mai o Warrimoo ia Miowera. [ARTICLE]

Holo Huli mai o Warrimoo ia Miowera.

Ua ku mai ka mokuaM Warrimoo i ka hora 10:80, Okatoba 31, iloko o na la holo aneane e 13 mai Kikane mai. Eha ona kipa ana ma na mokupuni liilii e huli ai ia Mio'wera. Hiki mai nae i Honolulu nei, nui ke kahaha,, eia ka ma ke awa o Honolulu nei e waiho olulo nei. la lakou ma ke alahele moana, ua kipu pinepine i na pukuniahi a ua hoolele i na ahikaolele. He nui ka minamina o na ona o Miowera a me Warrimoo i ka nele i ka nele i ka uwea telegarapa moana ole ma Honolulu, nana e hoakaka aku i na hana mawaenakonu o keia moana nui. Ua loheia ma Kikane ma ke kakahiaka o ka la 18 o Okatoba ma ka uwea ma Asia mai, ‘‘aole i ku o Miowera nia Honolulu.” Ua lalau loa ia kela olelo waea.