Nupepa Puka La Kuokoa, Volume I, Number 166, 9 November 1893 — He Moolelo NO KA Wahine Ili-kookeo O AN ASLARE. [ARTICLE]

He Moolelo NO KA Wahine Ili-kookeo O AN ASLARE.

MOKUNA II. UA poloai aku o Mrs. Strange ka makuahine o Eiu i na hoaloha e hele inai ma kana ahaaina nui, e haawiia ana maloko o ke kakela o kana keiki. Ua konoia na poe mai na wahi a puni o Enelani, a hala loa aku i Europa kahi hoi ana i hoohala nui ai i kona mau la o ka noho ana ulakolako mamuli o kona haawi ana i kona kino opiopio i kela elemakule kaukaualii i make, nolaila, ua ike oia i kona manao ponoi iho, me he kaikamahine opiopio la akahi no a hookuuia mai mailoko mai o keka,hi kula hanai. He mea oiaio, he wahine piha lealea io no keia. Nolaila, i ka hoea io ana mai'-o -Hiu, me kona ake nui e hoohala oia i ka la Karisiinaka me ka maluhia maloko o na paia o ke kakela punahele a kona mau kupuna, ua hookahaha nui ia kona naau i ka ike ana aku i keia mau hana i hoomakaukau ia ma kona home; nolaila, ua hoike aku oia i kona mau manao kue i keia mau mea i kona makuahine ma ka i ana aku penei: “Heaha iho la kou mea o ka poloai ana i keia poe a ku ka paila mai kahi e mai, me ka hoopiha u wale i ko kakou hale ? Ua manao au e hoi mai ana la au a noho me ka maluhia mahope hoi o ko’u hele kaapuni ana ma na wahi a pau o ke ao nei.” He kanaka opio a kino maloeloe maikai o Hiu, a me ka helehelena ui mohaha maikai. He oluolu a waipahe ma ke kuka ana, a he hoopono ma kaua mau mea e hooia ai, aka, he kauaka huhu ino nae i ka mea hana epa iaia. He piha hauoli hoi i kona wa e komo ai iloko o ke anaina hoohauoli. 0 laua wale no ke noho ana maloko o ke keena o ka makuahine, koe wale no nae ka wahine kauwa a ua lede la, \ oiai, he mea mau i kela wahine ka hoolohelohe olelo, a ua imi mau oia i mau mea naua e hoolalau ai ilokookahi e kuka

ia ana o kekahi mau mea e kona haku wahine. la wa, ua pane mai la ua makuahine wahine ui la, Mrs. Strange, 'no ka mea a kana keiki i pane mua aku ai—,“He kahaha maoli au ia oe e Hiu, aole au i manao iki mahope iho o kou hele kaapuni ana i na wahi o ke ao nei, e loaa ana la ia oe na manao mana; oiai, o keia poe makamaka a’u i poloai ai, he poe maikai loa lakou o ka papa ekahi, a he mea hanohano hoi ka launa pu ana me lakou. Mamuli o keia mau olelo a kona makuahine, ua mino aka iho la o Hiu me ke ano hoohenehene, a pane aku la.“ Pehea, he kanaka anei o Eena La koka o ka papa ekahi? Kela kumu hookani ogana o ke kulana haahaa loa?” I kamailio ia nae keia mau kuka ana ma ka olelo Farani, oiai oia ka olelo i maa loa la laua. Mamuli o keia man olelo a ka haku opio o Anaslare i kona makuahīne, ua lalapa ae la na maka o kela kauwameka piha hauoli, oiai oia mahope o ka pahu-ume kahi i pee ai, me ka hoolohe ana i na kamailio mawaena o kona mau haku, i mea hoi nana e hookaulana iwaena o kona mau hoalauna. “Ke i aku nei au ia oe e Hiu, he keu ko’u kahaha i ke ano o kau mau olelo, oiai o kela Kena La Koka au e kapa nei he kanhka. o ke kulana haahaa he hoaloha oiaio loa oia no’u a he hoa a’u i hilinai nui ai,” wahi a ka makuahine me ka naau hookamani. Mamuli o keia mau olelo a kona makuahine, ua huila koke ae la na maka o ka haku opio, a me kona kino nani maloeloe, ua hoopuka aku la oia me ka leo kakana a me ka piha inaina imua o kona makuahine, ka mea hoi akahi no a ike ua lede la e kamailio ia aku ana imua ona — 0! e kuu makuahiae, ua ike au ia mau mea a pau, a ua kuhi au, he mea lealea wale no la ia i ka wa e ola ana kuu makuakane, aka, ke ike nei nae au, he kanaka ka keia au i hoopunahele ai ma kou naau, pehea, ua oi aku anei kou ma- . kaala no ka lealea o keia poe i mamua o’u kau keiki ponoi? 5 “E Hiu, aole loa e hiki ia’u i ke hoolono aku i keia mau ole-

lo hoahewa au ia'u e kuu keiki! Ke ike nei au, ua haalele loa oe i kou ano keonimana, a ke law r e nei oe ike ano oka poe kuaaina haalele loa. Ea! he keu a ko’u hilahila i keia ano ou e kuu keiki. Oiai, ua kuhi au e hoi mai ana la oe a hana e like me ke ano o na haku opio i maa mau i ko Enelani ano.” “A heaha ia ano?” wahi a ke keiki. la wa, me ka pane leo ole o ua makuahine la, ua hele pololei aku la oia, a kipaku aku la ia ia Rosina kona kahu wahine, ka mea hoi e hoolohelohe malu ana i ka laua nei mau olelo. Mahope iho o ke kaawale ana aku o kela kauwa wahine, ua hoi hou mai la o Mrs. Strange, a ku imua o kana keiki, a ia wa o Hiu i ninau aku ai. “Heaha iho la kau mea e pane mai ai no ka’u ninau.” Ia wa, me ka leo kakana, a me na maka aa kohu nahesa, ua pane aku la ua makuahine la,—“Ua loaa ia’u he ekolu ou kumu ponoi e kuu keiki. ■ Oiai ma kou hele ana e makaikai i ke ao nei, ua hoolapuwale ia kou mau ano keonimana, a o ka elua, ua aloha oe ia Lilia, kela kaikamahine hanai a ko wahi hupunawahine, a o ka ekolu, ua lili oe ia Eina La Koka, no ka naea, he aloha kela kanaka ui a hanohano maikai ia’u, oiai, ua ike no oe he wahi elemakulehehena kou makuakane.” Ma ka manao o Hiu, ina ua hoopukaia keia mau olelo imua ona e kekahi kanaka, aole e nele ka make koke o ia kanaka iaia, aka, na kona makuahine ponoi i hoopuka i keia mau olelo, nolaila, he mea hiki ole iaia ke hoike mai i ka mea oiaio. Nolaila, me ka piha inaina iloko oka naau oke kanaka opio, ua hoao no nae oia e hoopuka aku i na huaolelo kupono, —“E kuu makuahine, he mea oiaio, ua ike au a ua maopopo ia’u o Lilia kekahi o na wahine maikai loa o ke ao nei, a he momi oia i ko’u mau maka. Aka, ke lohe aku nei nae au mai kou waha ponoi mai i kou hoino hewa wale i kuu makuakane, ke kanaka a Enelani i mahalo nui loa ai, a i haaheo ai hoi, a oiai, owau kana keiki ponoi, ua like kau hoiuo iaia, e iike me kou hoino ana mai ia’u, ka mea hoi i hanau mailoko mai o kou puhaka'