Nupepa Puka La Kuokoa, Volume I, Number 168, 14 November 1893 — Ka Huakai a ke Komite Hoeueu Ekalesia i Kauai. [ARTICLE]

Ka Huakai a ke Komite Hoeueu Ekalesia i Kauai.

lJa hoi mai nei ke Komite Hoeueu o ka Papa Hawaii, oiai ua pau ko lakou huakai hele ma na Ekalesia o ka mokupuni o Kauai, 0 keia komite, oia no o Eev. E. S. Timote, Rev. J. M. Ezera ame Mr. J. Wise. Ua hoike ae o Mr. Timote ma ke kakau i ka lakou hana imua o ke komite kulo-1 ko 6 ka papaHawaii i ka la 13 o Novemaba nei. I ka la 11 o Okatoba ka haalele ana o keia komite ia Honolulu nei, a ma ka la 12 o Novemaba pae hou mai nei. Nolaila he malama okoa i pau ma ko lakou lawelawe hana ana ma Kauai. I ka hiki mua aua aku, ua halawai koke lakou, me ka ahahui mokupuni, i akoakoa ae ma Lihue, a malaila i hoomaopopo ai lakou i ke kulana o na Ekalesia e noho nei. Ua hoolala pu me na kahu Ekalesia no na la e halawai ai lakou ma kela Mhapai keia kihapai. Ua hoike ia mai ma Lihue, he maikai ka noho ana o na Ekalesia, koe wale no na Mhapai o Hanaleia me Kapaa, Ua hoole ka aha i kekahi palapala hoopii mai Kapaa mai, e noi ana e hoihoi ia Rev. J. M. Kealoha i kahu no kela Ekalesia, ua maopopo i ka aha na knmu

' e pono ole ai o Kealoha e ha- ■ pai hou ika oihana kahu. 1 Ua maikai na hoike ma Lihue no na kula Sabati ameka ahahui Opiopi Imipono Karisiano. I ka la 14, ua hele ke komite ma Waimea e hoomaka ai i ka lakou hana a malama i ka la Sabati malaila. He nui ko lakou launa ana me kanaka ma na kauhalu. Ua mahalo lakou i ke kahu uo kona ike ana i na hipa a pau, a kamaaina pono ia lakou. Ma ka nana ana, aohe e liuliu e pau ana ka mokuahana kahiko. a e hui koke mai ana ka poe Kowela me ka Ekalesia kahiko. Ua huli ke komite i kekahi lono hoino i ke kahu no ke komo i kekahi hana hoomanamana, a loaa maopopo ia lakou aohe kumu no kela olelo. He koa maoli kela kahu ma ke kuei na hana hoomanamana a me na ano pegana apau. No ka loohia i ka pilikia ohana i ke kahu o Hanapepe aole i kaahele ke komite malaila, aka ua ike nae lakou ike kuonoonoo o kona noho ana. Ua kipa loihi lakou ma Koloa me ka malama i na halawai, alaila, hele loa aku lakou i Hanalei a noho malaila i ke kolu ona Sabati. He mokuahana ka noho ana o kela Ekalesia, ua makepono no nāe ka paipai ana o ke komite i na hoahanau, a ua hoomaka hou ka lokahi oka manao. Ma Kilauea, Koolau a me Anaholo aku i kenahi mau la. Ma Lihue kaha o na Sabati, a ua mahuahua na halawai a na hui Opiopio. Ma Kapaa no hoi kekahi lawelawe ana o ke komite, ua maopopo ma ka Timoteo hoike ana, ua makepono loako lakou luhi a ua waiwai loa no hoi na Ekalesia ma ko lakou paipai āna a me ka launa nui ana me na hoahanau. He nui ka poe kue i mihi mai, a ua 9mi loa ka mokuahana. 0 kekahi mea a ke komite i hooikaika nui ai, ka lulu dala no ka waihona o ka papa Hawaii. Aole lakōu i hoi nele mai, oiai he $130 na lau oliva | i loaa mai nei i ka Puuku, W. W. Holo, no na Ekalesia mai o Kauai a me Niihau. Ua hooholo ke komite kuloko, e hoouna hou aku i keia komite hoeueu i ka mokupuni o Maui, a e kaahele malaila i ka malama o Uekemaha.