Nupepa Puka La Kuokoa, Volume I, Number 180, 5 December 1893 — Koi o Kanada e Hana Kuikahi Kalepa me Hawaii. [ARTICLE]

Koi o Kanada e Hana Kuikahi Kalepa me Hawaii.

Maluna mai oka “Arawa : ‘ o Hekemaha 3, i hiki mai ai o Hon. Mackenzie Eowell, ke Kuhina Ealepa oke Aupuni Panalaau o Kanada, Ma Auseteralia aku nei oia, ma kana huakai kaapuni kahi i kukakuka pu ai me kela mau aupuni panalaau malaila, no ka hoolala nui ana ina hana kalepa me Eanada, ka hooholo laina mokuahi ame ka hoomoe uweaolelo moana mawaena o na aupuni panalaau elua me ke kipa pu ma Eonolulu neL I ko Mr. Eowell pae ana mai j a lohe ke mau nei no ke ku {ana o ke Aupuni Kuikawa, aole hoi i hoihoi ia ka Moiwahine, o kona hooikaika koke noia e launa pu me na Kuhina o Hawaii nei. Ua hoolaha mua ia eholo ana o Arawa i ka hora 4 me hapalua ahiahi, Hekemaha 3, aka, ua noi aku oia e hoopanee ika holo o ka moku aka hora 12 awakea la 4 ae. I ke kakahiaka, halawai pu ihola o Mr. Bowell a kuka me ka Papa Kalepa o Honolulu neL Wehewehe mai oia i ka holomua o Kanada ma ka waiwai a me ke kalepa ana. Hoike pu mai no hoi i ka pomaikai o Hawaii ke kalepa pu me Kanada. He pomaikai o Hawaii i keia laina mokuahi hou, ke alanui e puka nui aku ai na waiwai o keia pae-moku. Aohe e liuliu a e hoomoe ia ana ka uwea-olelo moe moana. E hui ana na aupuni panalaau e hana aku ia mea. Paipai mai o Mr. Theo. H. Davies me na olelo ua hala ka manawa e waiwai nui ai o Hawaii ma kekahi kuikahi panaihke me Ameiika, nolaila, o ko Hawaii pono, e kuikahi pu me Kanada a e hookae aku ia Amei’ika Huipuia. Ua hauoli o Mr. Eowell i kona halawai a kuka pu ana me na Kuhina a me kapoe Kalepa o Honolulu nei.