Nupepa Puka La Kuokoa, Volume I, Number 189, 20 December 1893 — Ke Hookaulua nei ke Kuhina Willis i ka Hana. [ARTICLE]

Ke Hookaulua nei ke Kuhina Willis i ka Hana.

Ke noho nei na kanaka o Honolulu me ka pilihua no ka maopopo ole o ke ano o ka hana a ke Kuhina Amerika e kukakuka pu nei me Liliuokalani. Ua maopopo kona ike pinepine ia ana me ia. Aka, o na hana mawaena o laua aole i hoakaka iki ia mai. Aole i ekemu iki mai o Willis ike Aupuni Kuikawa no kekahi hana e manao nei oia. Eia ma ke ano huna na hana a pau, me he la, he mau mea kohu ole i ka malamalama. Mahope o ka paipai ikaika ana o kekahi Kanikela iaia, ua hoopuka mai o Mr. Willis i ka olelo, he elua la i koe a oi aku paha, alaila hiki iaia ke hoike mai i kekahi mea. Kolaila, ma ka Poakolu paha, me kekahi la aku paha, e lohe ia kona manāo. Ke noho nei ke Aupuui Kuikawa a me kona poe kokua ma ko lakou ano koa wiwo ole, ua paa ka manao, aole e haawi pio aku i ko lakou kulana e noho nei. Aohe mana, aole hoi he pono no 'kekahi aupuni e e komo mai a hookahuli i ke aupuni ma Hawaii nei. 0 kela hana no hoi, na Peresidena Kalivalana wale no ia manao, aole i ae mai ka Ahaolelo Lahui iaia, aoleno hoi i makemake ke kanahiku miliona kanaka Amenka i kela hana kohu ole, he hoihoi Moi hehi kumukanawai. E hele ana ko lakou kue i ka Peresidena a hahana ke lohe aku i kana inau hana kolohe a powa e imi nei. JSTo ko Kalivalana ike i ke kue nui o kona lahui i keia hana kolohe, nolaila ke hana malu nei me ka maalea, ua hilahila a makau i ka hana ma ke akea. Ua.like keia me kana mau hana ma ka lima o Blount e koo ana i ka aoao o ka wahahee a me ke apuka, me ka hana malu loa. Ua wehewe.he maopopo mai o Kale Kaaka i ke ano makau loa o Gresham o hoikeia mai i ka oiaio, nolaila aole ona ae iki i na Komisma Hawaii e wehewehe aku iaia i ka lakou olelo ike. Aia a hiki mai ka eke leta maluna o Alameda, e lohe ana kakou i ke kue ikaika mai o ka Ahaolelo Lahui ia Kahvalanā no keia hana kolohe ana e hoao nei ma Hawaii. Mahope iho o ka paa ana o ■ keia manao ike kakau ia, ua . kamakamailio pu ke Kuhina , me ke aupuni e noi mai ana e ■ hoihoi hou ika moiwahine. E i pahe aku ana ke aupuni.