Nupepa Puka La Kuokoa, Volume I, Number 189, 20 December 1893 — Heaha ka ke Aupuni o Hawaii nei e Pane aku ai i ke Kuhina Willis. [ARTICLE]

Heaha ka ke Aupuni o Hawaii nei e Pane aku ai i ke Kuhina Willis.

Ma ka hora 3 auina la Poalua, mahope o ko Mr. Willis noi ana i ke Aupuui Kuikawa e haalele mai i ke aupuni, ua akoakoa mai ka Aha Kuka. Ua hai ia aku ia lakou ka palapala a Willis, kuka pu, alaila, hooholo i ke ano oka pane ana aku iaia, e hoole loa ana i keia noi kupanaha. Ke huna nei lakon i na olelo o ka palapala a me na mea e pane akuai, a pau i ka haku akahele ia ua pane, alaila ia wa e hoopuka ia aku ai a lohe ka lehulehu. E paa ana paha ka pane i ka Poaha, alaila ko ka makemake e lohe ia. Ua haawi ia i ke Aupuni Kuikawa ka wa kupono e hoahewa akn ai i na hana apiki, hoopnnipuni, a huna wale i hoomau ai o Kalivalana ma, me ke pale mau aku i na olelo hoakaka a keia aupuni, aole ae iki e hoolohe a noonoo. He pono ma ko lakou man olelo pane e hoikeike lea aku i kela mau hana apuka a pau. E hoakaka ana paha lakou me ka hoahewa aku i ka wahahee eleele loa maoli okelamau olelo ua hookahuliia o Liliuokalani me ka ikaika o na puali mokukaua o Ameriba ma ke kauoha a Kuhina Stevens. 0 ka wa kupono keia e loheia ai ka leo o ke Aupuni Kuikawa, ka leo i hookuli wale ia mamua iho nel e Amenka. Aole i hoike mai o Willis i kona manao, a manao ole paha e hoohana mai ana oia i ba ikaika o na puali o ua mokukaua e hoopau ae i ke Aupuni Kuikawa. Ke noho nei ke aupuni me ka ikaika o na puali koa e pale aku i kela hana. Aole i lawa na puali o na moku no ia hana kaua. Hookahi wale no mea e hiki ai, o ka hoolele mai i na poka pahu a hoopau ae i na hale, a pau pu na waiwai o na haole a me na kanaka a pau. Ua loheia no hoi, he kue loa hā alii mokukaua a pau ika hana lokoino mai pela i ko lakou poe hoahanau mauka nei. Aole lakou eae ana e hapai i kela hana hilahila ole he hoihoi moi, Ua maopopo lea e kaohi ana ka Ahaolelo Lahui iaia e haalele loa i kona manao lokoino.