Nupepa Puka La Kuokoa, Volume I, Number 193, 28 December 1893 — Na Keiki Hawaii ma ka Ahaaina ma Nu Ioka. [ARTICLE]

Na Keiki Hawaii ma ka Ahaaina ma Nu Ioka.

Ua lilo ka Hotele Sana Denis o īfu īoka, i wahi no na Hawaii i akoakoa ai xna ke ahiahi o ka la Hoalohalokaike Akua, Hovemaha 30. Ua noho iho xna kekahi papaāina luluu i na mea ai he iwakalua-kuma-makolu mau keiki Hawaii mai •Honolulu mai, a ua haawi ia he mau haiolelo kaukau lehulehu i kahea ia e Mr. Joseph Cpoke, ka haku kahea, a eia oia ma kona makahiki hope i ke 'Kulanui o lale. 0ka haiolelo kaukau auo nui no Hawaii, na Hon. L. A. Kakina, ko Hawaii Elele a ivuhiua Mana Piha ma Wasinetona. Mamuli o ka pii mahuahua ana mai 0 ka anoi ia i keia wa o ke kulana pili aupum o Hawaii, he hookahi wale no aoao i. ka ninau, a hookahi wale no mea 1 ike pono i ke kulana o kela aina. 0ka poe i akoakoa ae ia wa, oia no “na mole haole” a Mr. Blouht i kapa ai maloko o kana hoike, aka ua hanau ia lakou ma Honolulu, eia nae he mau makua haole ko lakou. 0 ka manao o lakou a pau aole loa e hoihoi hou ia ke aupuni alii, a ma keia mua koke iho e kuahaua ia aku ana he ripubahka kuokoa. 0ka poe i akoakoa ma kela papaaina, o Hon. L. A. Kakina o Wasinetona. Joseph Cooke, Williams Cooke, Montague Cooke, James Judd, Albert Judd, William Baldwin, Arthur Baldwin, Frank Baldwin, mai ke Kulanui mai o lale; Alexander Atherton, mai ke Kula Wesleyan mai; Earnest Waterhouse, John Waterhouse Jr., Heary Waterhouse. Jr, George Waterhouse, mai ke Kulanui. o Princeton mai;na kaikamahine Cooke a me Stoddard, o Oakland, Kaleponi mai; Miss Dickson, mai Nu loka mai; Miss Andrews, Miss Hildibrand, Miss Waterhouse, Mr. Ernest Lyman a me Mr. a me Mrs. Arthur B. Wood, mai Bamkalani mai.