Nupepa Puka La Kuokoa, Volume I, Number 194, 29 December 1893 — Ke Kaua me Berazila. [ARTICLE]

Ke Kaua me Berazila.

Ua hiki ae ike kulanakauhale o Buenosa Aresa ika la 16 o Dekemaha nei, na mea hou mai ke kulanakauhale poo aupuni mai o Eio de Janeiro, e olelo ana penei: Ma ka la 10 o Dekemaba, ua hoopioo nui loaia ke kulanakauhale mamuli o ka haule makawalu ana mai o na poka ame na poka pahu e hoomau ana ka haluku ana no kanalima mau minute. Ua lele mai keia mau poka mai na pu raifela a me na pukuniahi kani alapine o ka papu o ka Moo (Ilha das Cobras), a haule maluna oke kulanakauhale, ma kahi nae o na alanui Canoca, Tavilla a me Trafiesa, ame na wahi e ae o kahi a na hale keaka i ku ai. 0 ka pau āna ae no ia o ka piha ona hale keaka ina kanaka helemau, aka, ua nui launa ole mai ka pioo. Ua holo pukaka aku na wahine ma na alanui, a e holo mai ana hoi na kaa lio maluna o napoe helewawae, a maluna ae o na paapaaina o na kani pu, ka hihio ona poka o kaleleana mai ame ke kakani ona pu raifela, ua liio lakoa a pau i mea hoopioo nui mai i ka lehulehu. 0 keia iho la ka hopena o ka lele kipu ia ana aku maluna o ka papu o Mokupuni Moo e ko Peresidena Peisoto mau puali koa mauka aku nei o ka aina, a aole no hoi i ulohilohi iho ka pane ana mai a na batari pukaa o Mokupuni Da Gama. 0na hale i pili i kahakai, o lakou kai poino loa mai na kuaua poka hao mai, aka oka nui o na pomo, aole i ike ia. 0ko ke aupuni mau koa ka oi aku o ka poino, a pela pu me na koa kiai o ka mokupuni, aka o na huahelu pololei aole i loaa mai. Mai ke kulanakauhale ae o Monteyidio ma ka la 16 o Dekemaha i loheia ae ai, ua hoike aku ke Kuhina Beritania e noho la ma Rio de Janeiro,i na kanaka o kona lahui i kona manao hemeapilikiano lakou ke noho iloko o ke kulanakauhale, a ua kauoha ia na moku kalepa a pau o Beritania iloko oke awa e kolo ia ma kahi kiekie oke awa. Kui ka pihoihoi ma Rio no ka hoomakaukau ia e kipoka. Ma ka hoao ana a na koa o ke aupuni e kaua i lilo hou mai ka papu o Villegagnon mamua aku nei, he 200 ka nui o na koa i make.