The Liberal, Volume I, Number 42, 4 February 1893 — KELA ME KEIA. [ARTICLE]

KELA ME KEIA.

Ma nehinei i hoolewa ia ai ke kaikamahine a ke Kuhina Amerika i aloha nui ia, mai kahi noho aku o ke Kuhina ma alanui Nuuanu. Ua hala aku ka Hon. Jno. E. Bush no Amerika Huipuia ma ka Poakolu iho nei, a e pae aku ana oia i Kapalakiko i keia Poakolu ae. Ua ike iho makou he Hope Peresidena aku ana kekahi o ke Aupuni Kuikawa ma keia mua iho. O ka Hon. Sam'l M. Damon ka mea kupono loa e kau ma ia wahi. Ua ike iho makou ua hoohiki o A. S. Cleghorn malalo o ke Aupuni Kuikawa. Aka, ua olelo ae kahi no ka oihana wale no ka ka mea i hoohiki ai, Aia ihea ka makee kulana. He mea na makou i makaikai nui ke ano haahaa maoli o kahi poe i lawe i na inoa kiekiem o piepiele ana ua inoa ala no kahi apana dala. Auwe ka popo o Hawaii Aupuni Moi! Maluna ka Peresidena S.B. Dole me kekahi o na Kuhina o ka manuwa Bosetona ma ka auina ia onehinei, a ua haawi ia mai na pu aloha he iwakaluakumamakahi no ke Poo Aupuni Hou o Hawaii nei. Aia ma kekahi aoao o ka pepa o keia ia ka hoolaha o ka Banako Hale Leta, na ka Luna Leta Nui me ke Kuhina Waiwai. E pono e nana ia, a e ohi nui i na bona Hawaii, oiai, he ala hoopomaikai kela i ka poe i houluulu dala ma ka Hale Leta.