The Liberal, Volume I, Number 43, 8 February 1893 — MA KE KAUOHA Ke Aupuni Kuikawa o ko Hawaii Pae Aina. [ARTICLE]

MA KE KAUOHA

Ke Aupuni Kuikawa o ko Hawaii Pae Aina.

KAUOHA HELU 3. No ka mea, ma ke Kauoha Heiu 2 o keia Aupuni o ka pono Habeas Corpus ua laweia a o ke kanawai koa, ua kukalaia a puni ka Mokupuni o Oahu, Ianuari 17, 1893. Ua kanoha hou ia mai, o ka pono Habeas Corpus ua hoihoi hou ia mai, a o ke kanawai koe ua weheia aku ma ka Mokupuni o Oahu i oleloia mai ka hora 12 awakea o ke Sabati. ia 5 o Feberuari, 1893. Honolulu, Februari 3, 1893. SANDFORD B. DOLE, Peresidena o ke Aupuni Kuikawa o ko Hawaii Pae Aina. Na ka Peresidena. J.A. King, 42-3. Kuhina Kalaisina. [KOPE.] Aupuni Kuikawa o ko Hawaii Pae Aina. KAUOHA HELU 3. Oiai ma ke Kauoha Helu 2 a keia Aupuni ua kapae ia ka pono o ka Palapala Kuu Kino, a ua kukala ia aku ke Kanawai Koa ma ka mokupuni o Oahu a puni, ma ka la 17 o Ianuari, 1893. Ke kauoha hou ia aku nei, o ka pono o ka Palapala Kuu Kino, ua hoihoi hou ia, a o ke Kanawai Koa ke hoopau ia nei ma ka mokupuni o Oahu, mai a mahope aku o ka hora 12 awakea o ke Sabati, la 5 o Peberuari, 1893. SANFORD B. DOLE, Peresidena o ke Aupuni Kuikawa o ko Hawaii Pae Aina. Na ka Peresidena: J.A. KING, Kuhina Kalaiaina, Honolulu, Feb. 3, 1893. 9-3t. 43-3

KANAWAI 7 HE KANAWAI EHOOMANA AI I KE KUKULU ANA I KA PUALI KOA AUPUNI. E hooholoia e ka Ahu Hooko a me ka Aha Kuka o ke Aupuni Kuikawa o ko Hawaii Pae Aina. PAUKU 1. O ka inoa o ka oihana koa o ko Hawaii Pae Aina, oia no ka Puali Koa Aupuni Hawaii. PAUKU 2. O ka Peresidena o ke Aupuni Kuikawa, oia no ka Alihikaua Nui o na Puali Koa Aupuni. PAUKU 3. Na ka Alihikaua Nui me a mamuli o ka ae ana o ka Aha Hooko e hoonoho a hookohu i na luna koa na ukaii a me na luna koa laina. O na luna koa oia no he Konela a me ka Lukanela Konela; o na luna koa ukali oia no he Mekia, Kuata master, Luna Pu, a me ke Kauka; o na luna koa laina oia no na Kapena a me na Lukaneia o kela a me keia puali. Ua hiki no i ka Alihikaua Nui e hoonoho ae i na Luna koa ana i manao ai i mau ukali nona, e hana ia mau luna koa me ka uku oie. PAUKU 4. p O na Koa Aupuni he eha mau puali koa no ia, hookahi puali ku mau me ka ukuia a me ekolu mau puali pualu i loaa ia lakou na kokua ia ana mai ke Aupuni aku i hoakakaia mahope ae nei. Eia no uae ua hiki no i ka Aha Hooko me ke apono ana mai o ka Aha Kuka e hoala i na puali e ae a lakou i manao ai he kupono. PAUKU 5. O na puali o na Koa Aupuni a loaa no na kanaka aole i emi malalo o kanaono kumamakahi aole hoi e oi aw mamua o hookahi haneri me iwakalua, a ua hiki e loaa keia mau luna mahope ae nei hookahi kapena, hookahi lukanela ekahi, hookahi iukanela elua, hookahi kakiana akahi, hookahi kuata master kakiana, eha mau kaikiana, ewalu mau kopala a me elua hookaui pila. PAUKU 6. E hoolakoia na puali koa aupuni me na mea kaua a me ma lako e ae ma ke ano like me na puali o ia ano iloko o ka Puali Koa o Amerika Huipuia.

PAUKU 7. O na kanaka a pau e komo ana i ka Puali Koa Aupuni e kakau inoa no lakou i ka papa inoa o ka puali, e hoohiki kokua i ke Aupuni e like me ia i hoakakaia ma ke Kanawai 2 a ma ke ano pu no hoi i hoakakaia ma ka Pauku 8 e keia Kaoawai, a e komo no ka manawa aole e emi malalo o hookahi makahiki. PAUKU S. O na luna koa a me na koa a pau o ka Puali Koa Aupuni i ko lakou wa e lilo ai i mau iaia a mamua ae o ka hoomaka ana i ka hana, a pela no ma kela a me keia komo hou ana mahope mai, e hoohiki a kakau inoa i kela olelo hoohiki mahope iho nei, a ua loaa ka mana i na luna koa a pau i hookohu maoli ia e hoohiki aku ia olelo hoohiki: Ke hoohiki oiaio nei au e kokua no wau i ke Aupuni Kuikawa o ko Hawaii Pae Aina, a e malama a kokua i na kanawai a pau a me na luna a pau i hoohanaia ma ka hooko ana o ia mau kanawai. PAUKU 9. O na luna koa ka poe hookani pila a me na koa a pau nana i hooko i na hana e pili ana i ka oihana koa e like me ia i hoakaikaia ma keia Kanawai ua ku no lakou i ka hookuu ia ana mai ka hookaa ana i ka auhau kino a me ka auhau alanui a e hookuu ia mai ka hana ana ma ke ano he jiure. PAUKU 10. Ina wa a pau a kekahi poe i lawa ko lakou nui, i kupono i ka hana koa, e kakau inow ai i kekahi noi e hoala i puali, na ka Akukana ma ke noi ana o ua poe ia, a me ka apono ana o ka Alihikaua Nui e koho i manawa a me kahi e halawai ai no ka hoaia ana. PAUKU 11. E noho hoomaia ka Akukana ma ka halawai a hooponopono ia mea, hooponopono i ke koho ana i na luna hookohuia o ka puali, e hana ia ke koho ana ma ka balota; mahope o ke koho ana e hana oia i papa o ka poe i hoonohoia, i palapalapala hoike no kela a me keia luna i koho ia a hooili aku i ka Alihikaua Nui. PAUKU 12. Ua hiki no i ka Alihikaua Nui me ka ae pu ana mai o ka Aha Hooko e hoole i ka haawi ana i hookohu no kekahi luna koa i kohoia a i hoonohoia paha ina ma ko lakou manao ua kupono ole ia mea ma kekahi ano e lilo i luna koa iloko o ka Puali Koa Aupuni. PAUKU 13. Ua hiki no i kela a me keia puali o na Puali Koa Aupuni e lawe i inoa kaa wale nona iho, aka e ike ia ma o kekahi hua e like me ka mea e hoakaka ia ana e ka Akukana ma ka puali a i ole ia bataliona paha. PAUKU 14. O kela a me keia puali mahope koke iho o kona kukulu ia ana e komo i ka hana o ke Aupuni, a e noho malalo o na kauoha o ka Alihikaua Nui. PAUKU 15. Na ka Alihikaua Nui me ka apono ana o ka Aba Hooko e hana i na rula a me na hooponopono ana no ka hoomalu a hooponopono ana o na puali koa ana i manao ai ua kupono. PAUKU 16. O na Puali Koa Aupuni i kukulu ia mamuli o keia nei e hoolako ia no lakou e ke Aupuni a e loaa no ia lakou ka uku no ka lakou hana e like me ka mea e hooholo ia ana e na Aha Hooko me Aha Kuka. PAUKU 17. Ua hiki no e hoopau ia ka Puali Koa Aupuni, a i ole ia o kekahi hapa paha, ma ke kauoha o ka Aha Hooko. PAUKU 18. O ka Mokuna 52 o na kanawai o 1890 a me na kanawai a me na hana kanawai e ae a pau e kue ana i keia, ke hoopau loa ia nei. PAUKU 19. E mana keia kanawai mai kona hoolaua ia ana aku. Aponoia i keia ia 27 o Ianuari M. H. 1893. (Kakauinoaia) SANFORD B. DOLE, Peresidena o ke Aupuni Kuikawa o ko Hawaii Pae Aina. (Kakauinoaia) J.A. KING, Kuhina Kalaiaina. 43-3