Ko Hawaii Pae Aina, Volume VIII, Number 31, 1 August 1885 — HE KANIKAU NO MRS. KAAEA AKEPO. [ARTICLE]

HE KANIKAU NO MRS. KAAEA AKEPO.

[Koena mai kela pule mai.] He kanikau ilihia paumako no'u ia oe e Mrs. Kaaea Akepo Kuu wahine i ka ua lani polua popo kapa i ka uka o Nuuanu Anu maeele i ke Kamakahala lei ahihi o maua me kuu aloha E aloha ae ana au i ka ua Waahila e hehi mai la iluna o Waipuhia Aia ka kuu wahine me Liawahine i ka auau wai o Kahuailanawai-e He waiwai nui kau e kuu aloha e hana ino nei i ka manao aloha-a E wawahi nei i ka puuwai aloha ke kuleana o Losaria me Heneri He iwi nani oe he opohi momi hoi na kuu kino e lei mau ai Ua ike paha oe e ka wai luu poo o Kapena i ke kino wailua o kuu aloha Ua ike, ina aku no la i Kaniakapupu e walea ana me Hiilei i ke anu He nui oe na'u he milimili na Maunaala me Waipiula Lalau hewa ana au i ko kino wailua kuhi au o oe ia i kuu poli--a Owau ka ke aloha i luaiele ua kuewa i ke alanui me ka waimaka Auwe kuu wahine kuu hoa pili hoi i ka lai ohai o Kapahaha e Haiia hewa ana au i ka ia pakelo pua koolau o Kaowawai a Ua kuhi au o maua pu no la hoi me kuu aloha i ka wai o Kuwili e I wilia loko mokumoku liiliii ka hele o ka hoa pili he wahine He wahine oe he kane au i ke kai o Puuhale, kuu aloha e E hoi hookahi ana ka au i ke kula o Kaiwiula ua hele oe I pili ia e kaua ke anu o Kalihi i ka uka anoano o Kahauiki e He ihona o Moanalua me ke kula o Aiea i Hauakewa i ke kai oku o Kuhia He wa olelo na ka ia hamau leo o Ewa O ka uhane paha ia o kuu aloha e hoaikane ia me Kaahupahau Hahaua iho nei loko hanane i ke aloha i ka hele o ka hoa pili he wahine Auwe kaua, e mana ka ia'u e noho hookahi me ka lei moopuna a kaua Auwe kuu wahine kuu aloha hoi e He kanikau he waimaka aloha no'u ia oe e Mrs Kaaea Akepo Kuu wahine i ka ua kuahine o Manoa ke noho maua a [Niuapo--e Ke kahiko mai la ia Kahoiwai me na Kupouli ke aloha o kuu wahine i ka uka anu o Waiakeakua e Ua hoakua kuu wahine ua haalele i ka hoa pili he kane [Kaulamua He kane au he wahine oe i ka piina o Hoomaha aku kaua i ka olu o ke kiawe o Punahou Nu hou ka hele hookahi o kuu wahine aohe lua i ke kula o Kahua Ua ike paha o Kanewai i kuu - hoapili o ka nalu hai o Kalehuawehe Ua ike, oia ka ka uhane o ku haaheo ana i ka luna o Kaimanahila E paa ana i ke kumu telepone hai nu hou o ka mokuahi Kaleponi Hooholoia i ke kaona hai leo nui ae o Luka o Meleposa ae keia He poka pahu oe na loko he ipukukui pio ole i kuu manao E noonoo ae ana au ia oe i ka hoahele o ke kai o Kuloloia [i hala mua Ilaila kaua i walea ai me na haku lani Kuu wahine i ka ulu niu o Honokaupu e upu aku ana i ke aloha neenee mai He imi hale oe he noho hale aku au me ka pokii o kaua [Koholaloa Eia au ke kane ka hoapili o ke kai o Loa na maka o kuu aloha aia me Kama i ke kai E aoao ana paha me Kawelomahaia i ka nuku o Mamala Malama hookahi au i ke aloha o kaua i *illegible* me ka hooilo *illegible*

He ano haili ia'u ka piina mai o Leleo e hiki ai i na hale Hale noho o maua me kuu wahine hoa pili i ka malu o ka ohai A hiki mai no ko aloha e uwe no au Auwe aloha kaua e K.W. A. Kaui He kanikau walohia paumako kumakena no'u ia oe e Mrs Kaaea Akepo Kuu aikane hoa pili i ka ua Paupili i ka lai ulu o Lele e Mai ka pa kolonahe a ka Maa-a owehe lau niu o Puunoe Oia ka ka uhane e walea ana i ke kui lei lehua i ka luna o Lihau E kilohi ana i na Hono a Piilani i ke ku lalani me ka maka o ka opua Pua lei momi ke aloha o kuu hoa he aikane e wahi ūoi i ka lioupo, Ua inaina manawa ino paha ia'u i niau hookahi aku nei aohe lua Ua hooipo paha me Wao, wahine noho kuahiwi i kumu wai o Kaahalike Me he moa lawakea la na pea huli lua i na ale o Pailolo --a Loa ka hele ana o kuu hoa pili i ka paepae nalu o Uo i ke kai o Keawaiki Ikiiki ku pouli ke aloha o kuu aikane hele koolua i ka piina o Puuopelu E uwalo ae ana au i kini makamaka o kaua i ke pani wai o Iao Ua ike paha oe e kapela kapu o Kakae i ka uhane o kuu aloha --ua ike Aia me ka ua hoeha ili iniki pua Kilioopu o Waihee i ke kai Kapuna E nanea ana i ka haihai lauki pala i ke kumu wai o Eleile i Wailua Ilaila pu no maua me ke kaahaaha lai o Niua i ka pa a ka Iaiki E imi ae ana au i kuu hoa pili hoa hele i ke one o Kahului e Ua lilo paha me Waihinano wahine a ka

Poipoi i ke kai o Makawela Wela kolii kukapu ke aloha o kuu aikane i ke kula o Kamaomao Me he kapa ma'o la ka ua Ulalena e kahiko mai la iluna o Piiholo Ke hehi haaheo mai la iluna o ke oho o ke kukui o Lilikoi i Kokomo--e Oia nahele a kakou i hele ai me Kuinilani i ke kapu He puia okoa no ke onaona o ka awapuhi o Kokomo nolu i ka palai Ua ike paha oe e ka opua o Awalau i kuu hoapili hoa hele i ua Waieha Ke hoohanini nei i kuu waimaka e uwe pu no maua Auwe kuu aikane--a Kanikau walohia kumakena no'u ia oe e Mrs Kaaea Akepo Kuu aikane i ka la kikiki nopu e ka la o ke kaona ke hele ia Na ka ihu lio kaua i lawe aku e ia Kuini poai moku [ha aku i Maunalua Elua kaua i ka piina o Kaimuki hoomaLuana aku me Malei noho lae nana uhu kai o Makapuu e Puiwa ka manao i na kao lele nu hou kupanaha hoonani o ke kuini Moe aku kakou i ka uka anu o Waimanalo i ke ala me ke onaona Ike aku kakou ia kini Kailua he mano i Kaneohe [aku nei he waimaka He manomano ka'u ukana e hoohanim Kuu aikane i ke ko'a moku o Heeiauli me Heeiakea [ia muliwai A Kahana kaua ike ia Keau he kua no He waiwai ka Punaluu e malama nei o ka nalu waa o ka lani E uwe pu ana no maua me Waiono i ke kula o Kapaka Ua hele hookahi oe aohe au kou hoa pili hoa hele i Kaluanui Nui makolukolu hoaleale ke aloha o kuu aikane e hana nei ia loko E uwe no makou o Laie ma i ke kula loa o Malaekahana Kuu aikane hoi i ka paia ala i ka hala lei o makou i Kahuku e Mai ke kula loa la o Waimea me Lauhulu ke hole ia (Puaena e Kuu aikane i na lai elua o ka ehukai o Auau aku i kahi wai o Anahulu noho i ka malu hale o ke kupuna Na ole ke aloha o kuu aikane hoa hele i ke kula o Kokoloea Ea hoomaha ole oe i Waiawa i ka i'a hamau leo o Ewa He wa olelo na ke kula o Moanalua me ke kula o Kahauiki E hui aloha kaua me na hoa pili he mau kane i ka lei o Kapahaha E huli wale ae ana au ua hala oe ko'u hoa hele o na wahi a pau Auwe kaua--e, E uwe aku no au ia oe Mrs M Wahinepio Kalua.

Kanikau he waimaka no'u ia oe e Mrs. Kaaea Akepo (ma-kai Kuu kupunawahine i ka lai o KapalaAkahi no a hemo ka pili a kana i ka po loloa o ka hooilo Lohi e mai ke kino hanane loko i ka hele o kuu hoa pili he kupuna Hele hookahi oe aole lua, noho au ko lei mae ole i na kau a pau He lei hoano, he lei kapu, he lei moku he hipuu lei aloha --e O ko lei ia o Moehaune, o Maholelani, o Laulani hoa aimoku Ua ike paha oe i ke kino wailua o kuu kupuna kuu aloha Ua ike, aia la me kini me ka mano, me ka pukui o makou E nanea ana me Luukia Kahuinui i kakulu o Kahikiku--e Auwe kuu kupunawahine--e Akepo liilii