Hawaii Holomua, Volume III, Number 2, 7 January 1892 — KELA OLELO HOOHOLO. [ARTICLE]

KELA OLELO HOOHOLO.

I ka Poakolu nei i lawe ia mai ai e ka Hon. J. E. Buki he olelo hooholo hilinai ole i ka Aha Kuhina, a ua lilo ka manawa o ka Hale Ahaolelo no ka noonoo ana i ua olelo hooholo nei. Ua nui na manao i wehewehe ia ma na aoao a i elua, a ua hahana na hoakaka ana. I ka hora 4, ua hoomaka ke koho ana, a eia iho ke ano o ke koho ana o na Hoa: Ma ka aoao hilinai ole i ka Aha Kuhina—Na ’Lii Berger, Hapakini, Keoni Kamaki, Maile, J. M. Horner, Konuwela a me Kanoa; na Lunamakaainana —Bipikane, Aki, S. K. Pua, R. W. Wilikoki, Buki, Nawahi, Koahou, Kaunamano, Kamauoha, Nahinu a me White —19. Eia ka poe kakoo e mau no keia Aha Kuhina—Na 'Lii; Ena, Pua, Kauhane, Marsden, Young, Baldwin, Walbridge, Anderson, Thurston, McBryde a me Drier; na Lunamakaainana—Wiider, Kauhi, Waipuilani, losepa, Akina, Smith a me A. S. Wilcox. Ka poe i hiki ole ae e koho; na 'Lii; Williams, Hind, W. Y. Hona a me ka mea i nuha a koho ole Hoapili; na Lunamakaainana-Ake-poka a me A. Hona. Nolaila, ua haule ka olelo hooholo hilinai ole i na Kuhina, aka, ua lohe mai makou ke upu ia nei e lawe hou mai i olelo hooholo hilinai ole i ka Aha Kuhina, na ke au o ka manawa e hoike mai i ka hopena o ia mea.