Hawaii Holomua, Volume III, Number 2, 7 January 1892 — HE PANE IA HOAHANAU 0 KA EKALESIA KATOLIKA ROMA. [ARTICLE]

HE PANE IA HOAHANAU O KA EKALESIA KATOLIKA ROMA.

Hoomau ia. E hoike mai ana anei oe, aia he mea okoa aku mahope ou ka mea nana i olelo mai o Pappas Ekklesia ka olelo Helene pololei, a o pai Ekklesias hoi aole ia he olelo Helene pololei? Eia ko’u manao, ina he kanaka ike ole ia oe i ka oleIo Beritania, a nele i na buke hoonaauao o ka olelo Helene, alaila, e hala ole auanei au ke koho aku o ko makua Uhane no kou mea nana i ao mai, oia hoi, o ke Kahuna Katolika malaila, oiai, aohe e lele wale mai ana ke kanaka kue a hoole-Pope i ike i kahi mea e pili ana i ka olelo Helene a hoololi i ka oiaio o ka’u inoa Helene i hoike ai no “Na Pope o ka Ekalesia, oia no hoi o Ekalesia Pope, a nolaila, ke olelo nei au, ina ua ao kela kahuna Katolika o Kohala ia oe e Mr. Honolii, aole he olelo Helene pololei o Papai a o Papaa paha, alaila, ua kue ua kahuna la i ka mea I aoia e keia poe kaulana o ka Ekalesia Katolika Roma, oia o Eduardas B. Kaugh, Cong. Orat., [illegible] [illegible] [illegible] [illegible] [illelgible] [illegible] [illegible] [illegible]

olelo Helene pololei o Papai Ekklesias. No'u iho, ke hooia aku nei au he olelo Helene pololei io no o “Pappas Ekklesia’’ e like me kau i hoike mai nei, a e olelo aku no hoi au he olelo Helene pololei no o Papai Ekklesias, e like me ka'u i hoike ai, a no ia inoa ka'u i olelo ai ua piha pono na huahelu he 666 ma ka hoonohonoho huahelu Helene. E hoike ana au ma ka aoao hooiaio he olelo Helene pololei o Papai Ekklesia mahope ae nei, a ua like no kona ku ana ma ka aoao o ka pololei me ko Pappas Ekklesia au i hoike mai nei, a pela no hoi me ka huaolelo Lateinos, ua pili no ia i ka Ekalesia Roma i kapaia be Ekalesia Latina. NA NINAU A MR. HONOLII. Maanei au e pane ai i na ninau a ka makamaka i ninau ai: 1. “Owai o keia mau holoholona elua ka Ekalesia Pope a Ekalesia Latina paha?” Haina. Ua hoopili au i ka’u hoakaka ana no ka Ekalesia “Pope” a Ekalesia “Latina” hoi i ka holoholona mua i hoikeia ma ka mok. 13 o Hoikeana. 2. “Ua hoea mai anei ka Eka- lesia Pope mai ke kai mai? Ae. Ina ua pili ke kai i manao ia ma ke ano olelo wanana; aka, ina he kai maoli ka pili ana o ka ninau, alaila, e pane au aole. Ma ke ano wanana eia iho na hoakaka a kekahi o na Epikopo kaulana loa o ka Ekalesia Pope, Ekalesia Latina, a Ekalesia Katolika Roma, ka Ekalesia hoi a ia Katolika o olua i ku’i hou mai ai i mau inoa hou, oia o Ekalesia Hemolele Katolika Apotolika Roma. Hoakaka. He mea pono ke ninauia, heaha la keia kai a loane i ike ai ma keia hihio no Ekahi a ka holoholona i hoea mai ai; he kai maoli no anei ia? Ke pane nei o Epikopo CHARLES WALMESLES o ka Ekalesia Katolika Roma, ma kana buke i kapaia “The General History of the Christian Church from Her Birth &c., &c., carefully deduced from the Apocalyspe of St. John,” no ke ano o keia kai, aole ia he kai maoll; aka, oia “na hiohiona kupikipikio a uluaoa o ke kaua a me na oni ana o ko ke ao nei.” (Aoao 233 o ua buke la). Ua hoopili nae ua Epikopo la ma keia wahi o kana hoakaka no keia mok. 13 o Hoikeana, pauku 1, i ke aupuni Pegana o Roma, a o kela ae la a'u i hoike ae la ke kai ana i manao ai. A ma ko Mr. Honolii hoonaauao ia ana hoi, ke manao nei no oia he kai maoli keia, a oia ke kumu o kona ninau ana mai, “Ma ke kino i’a (fish) anei ia i noho ai a hoea mai ai mai ke kai mai?” Ke olelo nei o Epikopo Walmesley, o ke aupuni Pegana o Roma kai hoea mai ke kai mai, aole anei he mea pono ia Mr. Honolii, ma kahi o kana ninau ana mai i’u i kela ninau kino i’a, e hoao mua oia e hoopili i ua ninau la i ka hoakaka a keia Epikopo kaulana o ka Ekalesia ona, oia hoi, Ma ke ano kuio i’a (fish) anei i noho ai ke aupuni Pegana o Roma a hoea mai ai mai ke kai mai? Ina hoi e olelo o Mr. Honolii, aole i kupono ua ninau la ke ninau ia aku i ua Epikopo la o ka Ekalesia ona, pehea hoi oia i manao ai ua kupono na ninau i’a nei ana ke ninau mai ia’u, oiai e olelo ana au aole keia he kai maoli a Ioane e hoike nei ma keia wahi o kana buke o Hoikeana e like no hoi me ka Epikopo Walmesley? Aole i pau.