Hawaii Holomua, Volume III, Number 3, 14 January 1892 — KA HOPENA O KA ALUNU MANA. [ARTICLE]

KA HOPENA O KA ALUNU MANA.

— Ua hiki mai ka manawa a ka Lahui Hawaii ponoi e ike kumaka ai i ka hoopahua ia o na hana hookamani a hoopalaimaka a ka Aha Kuhina a me ka Ahaolelo ake e alunu i ka mana i pili pono i ka Moi i haawi ia e ke Kumukanawai.

Ma ka Poaha a me ka Poalima nei, lanuari la 5 a me 6, ua lilo ka Hale AhaoleIo i ka hoopaapaa ikaika ana, no ka olelo hooholo a W. O. Smith; a ma ia olelo hooholo, e olelo ana, e koho ia e ka Ahaolelo i Komite o elima hoa nona na inoa: L. A. Kakina, R. W Wilikoki, J. Nawahi, J. K. losepa a me J. H. Waipuilani, e hoouna ia i Wasinetona e kuka pu ai me ke Aupuni Amerika no na mea pili hana kuikahi hou me keia Aupuni, a e pili ana hoi no ke awa kekahi o Puuloa, a pela aku. He nui ka maalea o ka hana ia ana o ka olelo hooholo; no ka mea, ua hookomo pu ia kekahi mau inoa mai kela a me keia aoao kalaiaina iloko o ka Hale Ahaolelo, i maunu e apo ai na hoa, a kohu e hooholo i ka olelo hooholo. Ua nui ka manawa i pau wale ma ke kamailio ana, a o ka hopena ua huki ia ua oleiu hooholo 'la e ke au, a ua kaia a pae ae la iluna o ka mana o ka Moi! Nele iho la hoi ka mana Ahaolelo, ma o ka Peresidena ’la. Hoi hou ae la no iluna o ke kahua onipaa a ke Kumukanawai i kuhikuhi polelei ai, oia ka Moiwahine LILIUOKALANI. Ua ike no ka Aha Kuhina a me ka poe ake alunu mana a pau loa; he hookahi wale no Inoa Nona ka Mana e hana ai, e koho ai, e hookohu ai i na poe a pau e hiki ai e lawelawe ia mau hana; aka, aole hoi e hihi, o ka nui pakela hookae Moi, aloha ole i ka Moiwahine. alunu i pau Kona mana, a ake e lilo i ano Aupuni Rebupalika, nolaila, kaihi ae nei a lawe aku la na ka Hale Ahaolelo e koho i Komite e hele i Wasinetona e wini mahaoi ai. Ke manao nei makou, ina no i hooholo ia ka olelo hooholo me na hoololiloli ole ia; alaila, o ka hopena, e hiki aku ana ua Komite ’la i Wasinetona a e ike ana i ke kii o Wasinetona e ku mai ana iluna o ka piko o ka hale puoa kiekie, aole nae oia e pane mai ia lakou, aole kunou mai, oia ku mai no. No ka maloeloe o ke Komite i ke ku mawaho o ka pa, nolaila, hele lakou a kiei ma na puka aniani, e ake e ike ia mai e ko loko poe hookipa (malihini. He ma-u ia noho’na aku, ohea mai la na maka i ka loihi o ke kali ana i ka makamaka, hele no hoi a aui ka la, hoea mai ana he wahi paele no Aigubita mai, ua kamaaina mua no ia Iosepa ia lakou e noho lawelawe ana i ke au o na Moi Parao. Ninau ua wahi paele nei, Ea! O oe no o Iosepa o Aigubita? Aole au no laila. Auwe! Nohea ka oe? No Hana mai au! Mahea kela wahi? Aole ka oe i ike; pili pu iaia kela Kaupo! Oh! Gaubo no ea ? Mahea kela palapala hookohu oe ? Eia la !—Nana kahi paele i ka palapala a ninau hou: Owai o J. S. Waka? Ka! Kela Peresidena hoi makou wahi Ahaolelo. O! Me save; O! lawai kela Makake? Iaia hoi kaukau kela palapala pau loa hana Ahaolelo Waihi. O! me see. Oukou noho maanei, kali; loihi ka nalo ana aku o ua wahi paele nei, mahope hoi mai ana a olelo mai: Hoole kela Peresidena Kalivilana, aole ike iaia mahea kuleana ia oukou hele mai hana keia Aupuni Amerika. laia kauoha mai, oukou hoi hou Waihi hele kela Moiwahine LILIUOKALANI, Iaia haawi oukou pau loa palapala; pii hou mai ike wau, kela pololei. I keia wa ua ike aka la au e mae ana na helehelena o ke Komite Ahaolelo i Wasinetona. Awiwi nui ae la kau i ke kaa a huli hoi mai la no Hawaii nei. la lakou ma ke alanui, olelo aku la kekahi; ka, alaa ka hoohoka ia o kakou la, eia no ka ka pono, na ka Moiwahine no e koho a hoouna mai ia kakou, ina aole kakou e hoohoka ia e like me keia. O! Pau ae la hoi ke kuhihewa i na hana aluna mana. Puoho ae au mai ka hihio, eia ka ua hiki mai ua Komisina nei i Hawaii nei me na aahu o ka hoka.