Hawaii Holomua, Volume III, Number 128, 28 December 1892 — KA HUAKAI HOLO MOANA KELAKELA! [ARTICLE]

KA HUAKAI HOLO MOANA KELAKELA !

A KE KANAKA HOOMANAWANUI. Ka Hon. Joskph Nawahi. Ka mea nana i alo mai i na ale kawahawaha o Alenuihaha a me keia kai loa, nonana mile 107, mai Kauakanilehua o Hilo a hiki i Kaualanihaahaa o Hana; iloko o na hora he 37 a me 40 minute. Pane aku au, e ae mai oukou ia'u e honko i ke kauoha o kou lahui i na wa a pau e kahea ia mai ai me ka hoohakalia ole. He pokole ka manawa a ke nee mau nei no kona holo. Oke Akua ke hele pa me a’u ake noho pu me oukou. Noho malie hou iho la makou aohe pane leo. Pane mai kekahi hoa, e hookuu aku kakou iaia e hana i ka makemake o kom» lahui, a n.t ke Akua aloha e kiai a e maiama iaia maluna o ka moana a pae maalahi aku i kahi ana i kauoha ia ai e hana i ka pono o ko kakou lahui. A hookuu ae la makou me ua helehelena luuluu oke aloha. Ma ke awakea ae, ua hoike ia mai la he waapa hou kekahi e hoouna pu ia ana me kou waapa • ua poe hoaloha « ukali ai ma ka moana; no ka manao no o na mv kamaka a tae na hoaloha, malia he nlia ma ka huakai moana; a i kokooloa hoi kekahi no kaia ala moana mahameha.

Ma ka hora 4o ke ahiahi Poalua, Dek. 20. 1802, ua akoakoa mai he anaina nui o na hoaioha, ua makamaka. na makua, na kaikuaana, na pokii. ua kaikuahiue. na keiki. na pilikokp a me na kini o ka aina e ike ia makou mamua o ko makou kaawale ana mai no keia huakai au moana. O ko’u waapa helu 1, malaila au me Heury We8t a me ke Pailala Keaweamahi o Hilo; oia ka ona a me ke kapena o la waapa ame H poe keik: hoe. O ka waapa helu 2, oia ka waapa malalo o ka noho kapena aua o Kaelemakule rae 7 poe keiki hoe. Mamua oko makou haalele ala aku i ka uwapo o Hilo. ua haiolelo aku la au imua oke anaina i uhi paa ia ike aloha e na keiki oka aina, e helelei ana ko lakou mau waimaka ika ike ana i keia mea kamahao, eau aku ana makou i keia huakai moana, aole hm ma ka moku. aka, ma ka waapa! He lua ole mai mua mai. Mahope o ka pau ana o ka’u mau olelo, ua nonoi aku la au i ke anaina o na haipule e nonoi lakou ma ka pule i ke Akua, e malama ia makou ma keia ala moana. I a pane mai lakou me ka leo ohohia. ae! Pule o Rev. J. S. Kalana a pau, ua hoomakaukau makou no na waapa e hoio mai. Hora 4 me 20 minute haalele makou i ka uwano o Hilo a holo mai mawaena o na leo huro oke anaina. U» hoomau ia mai na ani hainaka o uka a pela no hoi makou. Ua nui ko’u aloha ika poe nana keia huakai aka lahui e hele nei, a e nana aku ana no makou i ko lakou kiai paa mai a hiki i ko makou ualowale ana mai ia lakou mai. Ma na pali kakakai a makou e maalo mai ai, e pa-e mai ana na leo huro aloha aina no makou, pela ma Mokuhonaa, Haaheo, Paukaa, Pahoehoe, Kalaoa, Onomea, me Kawainui, a hiki i ka wa molehulehu, aia no na leo diuro ke poha mai la mailoko mal o na pali kahakai. Napoo ka la aia makou mawaho ae o Kaupakuea, hoohui na waapa i kahi hookahi. Pule ohana ahiahi, a pau ia paina ahiahi; mahope o laila kukulu na pea a holo aku la me na hoe pu.