Hawaii Holomua, Number 131, 3 January 1893 — KA HOPE LUNA KIAI AWA O HILO. [ARTICLE]

KA HOPE LUNA KIAI A WA O HILO.

He lono kai lawe ia mai ia makou, no kekahi hana inu lapuwale i lawelawe ia ma ke taona o Hilo, a penei ua lono nei: O Mr. Geo. Nakapuahi, oia ka Hope Luna Kiai Awa o Hilo, he kanaka kuokoa nona iho, a he hooko pony i kana hana ma na ano a pau. Aia i ka manawa o ke koho balota ana mai nei, ua kuikawa o Mr. Nakapuahi, aole oia iae wale aku e kaualako ia kona lunaikehala e na hoahanau Hikikolei a me ko lakou poai, aka, ua koho oia e like me ke kuhikuhi a kona noonoo maikai. O kd' hopena o kona ae ole ana e kaualako ia oia raa ka ihu me he puaa ’la, oia no kona imlhala ia, a ua hele ia aku la kona hale e huli. rae ka olelo ia he opiuma kana i huna, aka, i ke kuekaa ia ana o na wahi ukana a pau, na pahu a me na wahi a pau i ka lole ia, aole loa he hohono a he kuiu a uaeheu opiuma i loaa aku. Mamuli o keia hoka ana o ua poe ’la. ua hoomaka nui e mihi, aka, ua hala ka manawa, oiai, ua hana mua lakou i ke ino, a kuhiaku kuhi mai i ka mea nana i hookumu i keia hana. He hana imihala maopopo keia oke ano pelapela loa, a o ka mea pono wale no i ko Hilo kini. o ke kinai aku, me ka nana ole i ko lakou kulana, i ike ai keia poe a noonoo iho he koko makee pono no ko loko ona olona o ke kanaka Hawaii. Ua lohe mai makou ke nieniele ia nei keia mau hana apakee lapuwa!e e na Luna Nui o ka Oihana Dute.