Hawaii Holomua, Volume III, Number 143, 20 January 1893 — NUHOU KULOKO. [ARTICLE]

NUHOU KULOKO.

Mamuli o ka nui o ka poe e pehi hala ole mai nei i na pohaku a ke aloha no ka hiwahiwa a ka Lahui, ka nupepa Hawaii Holomua, ua manao ko makou Kakauolelo e hoolahaia aku ana na inoa pakahi o ka poe apau e hoouna mai nei i ka lakou mau dala, i ike iho ai lakou i ka loaa pono ana mai ia makou. Na ka mokuahi Lehua i alo aku na awa o Kalaukina ua Maui i keia pule. Ta-ra-ra boom de aye. Ua hoao anei oe i ka Poi o Wailuku? He Helu A 1. Ua manaoia, e huli hoi mai ana o C. W. Akepoka ma ke Kinau o ka la apopo. Ina aole he kuia. e ku koke mai ana no kakou nei ka mokukaua Iapana Kongo mai Kapalakiko mai OS. T. Chillingworth o Maui ka Hope Ilamuku, e like me ka makou i hoolaha mua aku ai. Ma ka Hale Aupuni ke puhi ohe a ka Bana Hawaii i ke ahiahi nei, ma ke kauoha a ke Aupuni Kuikawa. Ina he makemake kou e nelunelu a e momona, alaila, e hoao i ka Poi o Wailuku e hoolaha ia aku nei. Pakele o Ekekela mai ta ra-ra-baun ta-re. A mai ole oukou a hoohala iki i ke kilohi wale ana ae no i ka kakou mau olelo hoolaha. E nana ae i ka makou olelo hoolaha Ma Kauoh. Aohe kula o Punahou i keia mau la, oiai ka hapa nui o na haumana oia kula he mau koa no ke Aupuni Kuikawa. Mamuli o kekahi mau kumu, ua hoopau ia ka paikau ana o na keiki o ka Oihana Kinaiahi, mamuli o ke kauoha a ka Luna Nui Asch O Kapena Davies o Kalaukina ka i hookohu ia i Luna Nui no ka Hui Mokuahi o Waila Ma, ma kahi o Kapena King, i lilo ae nei i Kuhina Waiwai. Ua naue hou ae ke kiai ana o na kanaka o ka mokukaua Bosetona i ka maluhia o ka lehulehu mai Ariona Hale. a aia ma Hamelitona i keia manawa ma alanui Moi. He mau nanaina oluolu maikai a kilakila ko ko kakou Moiwahine Liliuokalani i keia wa. Aia no oia ma Wasinekona, he mohala maikai a hoopihoihoi ole ia Kona manao.

Ke lohelohe wale ia mai nei no, o A. Rosa, J. E. Buki, J. Nawahi a me kekahi poe Hawaii e ae he 15. o lakou na Komisina ma ka aoao o ka Moiwahine e holo aku ana no ka Ipuka Gula. Ua hala aku ma ke kakahiaka nei ke kae’ae’a (Malulani) o na aekai malino o Kona, me na nuhou makamaka a pumehana hoi o ke kulanakauhale alii aku nei. He ola ia no na makamaka o kuaaina. Ua hala aku na Komile Elima o ke Aupuui Kuikawa maluna o Kalaukina i ke kakahiaka onehinei, no Amerika. Wahi a na lohe, aole he ae ia ona Komite ma ka aoao o ka lahui e holo pu me lakou. Eia ka Halekoa, ka Hale Aupuni, Iolani Hale a me Kalakaua Hale, malalo o ka mana o ke Aupuni hou. Ua ukuia na koa Hawaii i ka Poakolu nei, me ko lakou hookuu pu ia aku e hoi no ko lakou mau wahi pakahi. Ma ka Poalima i hala, ma Papaikou, ua ikea he ulia poino mu ka mahiko o Onomea, mamuli o ke pahu ana o kekahi wahi o ka mahu. He hookahi o na limahana Iapa na i hoeha kukonu ia. a he lehalehu wale i pakele mahunehune Ua lohe mai makou o Kamana a me Kauhane na kokua no Kale Aki a me Alemaire w. no ka lawe hele ana i kela palapala Hoolilo Aina ia Amerika Huipuia. Ana- ana la mai. He puu dala palaina o 200 ka i pehi ia aku e na poo o ke Aupuni hou ia Leialoha, ka makai i ki ia ai i ka pu i kela la aku nei ma ke Alanui Papu, no ka hoomalielie ana i kona mau ehaeha. Waiho aku la hoi ka ike a hea? E haiolelo ana o Mrs. Mary A. Leavitt maloko o ka luakini o Kawaiahao i ka hora 11 awakea, o ka la apopo, Ianuari 22, no kekahi kumumanao ano nui i kupono e lohe ia e na mea a pau. O keia wahine kaulana i ka haiolelo, ua kaahele ia eia na aina nui o ka honua nei, a ua haiamu ia kana mau anaina a pau e haiolelo ai ma na wahi a pau. Nolaila, ke kono ia nei na poe a pau e hoopiha ae i ka hale. Ua loaa aku kekahi puolo hoomanamana i kekahi pue wahine Hawaii ma ka uwapo o Dilinahama i kakahiaka nei oiai lakou e auwana hele ana ma ia wahi. Eia na mea o loko o ua puolo ’la: He muumuu moepo wahine a kane paha, he mau pphaku a-la, he ipupaka, he ka-paka, he huluhulu awa. he hainaka silika, he mau apana welu ula-palani, he mau pa a me na kiaha aniani me ka pika aniani. Pau ole no hoi ka epa ia Hawaii nei.