Hawaii Holomua, Volume III, Number 143, 20 January 1893 — HE MOOLELO EEHIA NO KE KANAKA-AUWANA O KE AU KAHIKO. [ARTICLE]

HE MOOLELO EEHIA NO KE KANAKA-AUWANA O KE AU KAHIKO.

MOKUNA VI NO MAI IANA Ma ka inoa o ko’u mau kupana, wahi ana, eia hou no ua mau kanaka nei o ApuraHe mea maopopo loa i keia manawa, aia ka make maluna o ka poe a pau e hoao ana e puka iwaho ma na puka. Oiai na eheu anoano o ka eehia e aahu ana ma na aoaa a pau. A ileko o kela wa i kamailio mai la kekahi o ua mau kanaka la, ka mea hoi nona ka papa auwae i akoia a hemohemo e like me ko ke kuhunapule, me ka leo nui moakaka penei, E Parao! e Parao paakiki! E hoolohe mai i ka’u uwalo aku, oia hui e hookuu mai oe i na kauaka e hele. No ka mea, ina aole oe e hana pela, e lukuia no na hanau mua a pau o Kahema nei, na makahiapo alii a me na kauwa, a pela hoi me ka hanau mua o kau hoki a me ka bipi, pela na poe a pau malalo o kou malu. Nolaila, e Parao, e ae mai ana no anei oe e hookuu ia la- kou a pau mai kau mau hana hooluhi ana? Oiai o Parao e noho ana me na maka pahaohao, ua olowalu like mai la ka leo o na mea a pau e noho ana ma ka papaaina penei: E Parao. ke alii, e ae aku oe

e like me kana i koi mai la ma ka hookuu ana aku ia lakou e hele! No ka mea, he nui loa na poino e kau mai ana maluna o ke kulanakauhale nei mai a Apura mai. O keia ka makou nonoi ia oe e Parao, oia hoi e kuu aku ia lakou e hele! Mamuli o keia mau leo uwalo he nui i luai ia mai e na kileo he mau haneri, ua hoomaaliliia ka manao paakiki o ua Moi nei, a ua makaukau oia e haawi aku i kona ae laelae uo ka hookuu aua ia lakou a pau e hele mai Kahema aku, aka nae, ua holoi koke ia ae la ia mea e na olelo a ka Moiwahine Mariana penei: Mai hookuu iki oe i kekahi o lakou e hele mai keia wahi, aku. Aole i pau.