Hawaii Holomua, Volume III, Number 153, 3 February 1893 — HOPU HEWA IA ANEI? [ARTICLE]

HOPU HEWA IA ANEI?

Ua lohe mai makou no ka hopu ia ana o Kaohiwaena e ka Oihana Makai e ku nei, mamuli o ka manao ia, nana i aihue kekahi mau uwati eula o kekahi haiekuai uxvati no kekahi Pake, aka, mahope o ka paa ana o kela kanaka, na ike ia iho la, aole oia ke kanaka nana i hana ka ,hewa, a ua hookuu ia mai oia mai ka maiuu mai o ke aupuni. O Kailipaka ka mea nana i hana ka hewa, a ua loaa na hooiaio maopopo. Ua lohe hou mai makou, mamuli o ko Kaohiwaena hoopaahao ia ana e ke aupuni me ke kuleana ole. e hoopii poho ana ia.