Hawaii Holomua, Volume III, Number 157, 9 February 1893 — KULANA O KA LAHUI. [ARTICLE]

KULANA O KA LAHUI.

Ua olelo ia mai e ka nupepa a ka poai Hoomaemae o na haole Amerika ka mea i oi o ke kuleana iloko o ka hooponopono ana o ko kakou Aupuni, no ka mea wahi a ua nupepa nei, oia ka waiwai iloko nei o ka Aina, a nolaila. ua loaa ia lakou ka mana oi ae mamua oka Lahui Oiwi. He 1800 ka nui ona haole Amerika iloko nei o ka Aina, a he 40,000 ka nui o na kanaka Hawaii. Iloko o kela 1,800 haole Amerifca aole i lawa ka hapalua oia poe eae ana e hoohui aina, alaila, e hoomao}x)poia ana he kakaikahi loa ko lakou heluna, a pehea la e hiki ai ia lakou e lawe ika mana, a kapae ae i kela 40.000. Ke ikeia nei ma keia ka hookaeia ona kanaka Hawaii. Ma ka hooponopono ia ana o ke Aupuni Kuikawa, aole loa i uanaia ka pono a kuleana o ka Lahui ponoi o ka Aina. Ua wae ia na luna aupuni hou me ke ano e hiki ai ke manao ia he manao ino a he opu keemoa i ka ili ulaula. Aka, e like me ka hoomanawanui oka Hawaii pela no i maopo]>o ai e hiki mai ana ka la e mihi ai na enemi ika lakou mau hana ino.