Hawaii Holomua, Volume III, Number 205, 20 April 1893 — KA WAHINE O KA LIULA. [ARTICLE]

KA WAHINE O KA LIULA.

Ua mahalo mau kakou na kanaka Hawaii i na hana hoikeike moolelo akam&i a na haole e pili ana i na mea i hana ia e ko lakou mau lahui iloko o ka wa kahiko, a ua nui ko kakou ohohia. Aole loa i moeuhane ia e hiki ana ia kakou Hawaii ke hoohalike aku me na haole ma keia ano hana akamai; aka, a hiki mai i keia la, ua hoopau ia ko kakou mau kuhihewa a ua hookaakaaia ko kakou mau maka, a o ka oi loa aku, oia no na haole, ua hoopiha ia lakou i ke kahaha a me ka mahalo piha i ka hoomaopopo ana iho i ka helu ekahi o ke akamai o na Hawaii. E hoike aku ana makou no kela Hui Keaka Hawaii, e haawi hou ana lakou i ka lakou hoikeike eehia i na mea e pili ana ia “Laieikawai,” ka ui, ka nohea kaulana i kapaia o “Ka Wahine o ka Liula,” ma ka po Poaono ae nei maloko o ka Hale Mele Hou. E hoea aeana ilaila ua “Wahine nei o ka Liula,” a me Aiwohikupua. Kahauokapaka laua o Malaekahaua, na luaui o ua Iwa nei, a me Waka, Kapukaihoa, i Hulumaniani a me na lei maile eha, o Mailehaiwale, Mailekaluhea, Mailelaulii, Maile-pakaha a me Kahalaomapuana, na keikuahine hoi o Aiwohikupua, a e hoea ae ana no hoi ke anu, ke Alii hoi o Kauai, oia o Hauailiki, me ke pukonakona o Kohala, oia o Ihuanu, me ke Ahiwahine o ka Ualanihaahaa o Hinaikamalama, a me ka wahinekilo, oMaunakeao Poliahu, me ka mea iaia ka malamalama, o Kaonohiokala a me ke Akuamoo o Kihanuilulumoku. £ hoike ia mai ana keia moolelo me ka nani, elike hoi me na mea i hana ia iloko o na la o ke au o “Ka Wahine o ka Liula.” £ hoikeike ia mai ana o Malaekahana, o Koolau-loa, Oahu; ke Kiowii o Waia; uka, kahi hoi i huna ia al o Laieikawai; na aekai o Molokai; ka Puu o Kauwiki ame ka Heiau; ka Ululaau o Olaa; ka nani o Ke’hukai o Puaena, Waialua; ka Ualanihaahaa i Hana a me kekahi mau wahi e ae, e hele ana ke anaina a e ike ana i keia mau wahi a p\u ma ia po. E ike ia aku ana no hoi ma ia po, ke kanaka me na auwae kilahao, ka mea hiki ke paa i kekahi mea kanmaha he mau baneri “paona ma ka paa wale ana no a kona naau auwae, S hoikeike ia uiai ana uo hoi ka lele ana o Lono i Kaawaloa, a me kona make ana. A e hiki ae ana a e ike ia aku ana ma ia po maiaila na heiehelena o ke Alii Kalauiopu, a o Kaaaioa. Paeia. o Mahimoa ka Lono, (Kapena Kukē) a o ke Kapena King a

me Lukanela Kalaka oka moku o Lono. £ ika ia aku ana no hoi ke kuono kaulana o Kealakekua, ka Pali o Keoua a me ka Heiau o Haleolono. Ao ka panina hope loa, oia no ke Kia Hoomanao o Kamehameha I., me kona kukilakila a me ka hanohano oiai oia e ku ana maluna o ka laekahakai o Kohala a e haawi ana i kana mau kauoha i na Auwaa Peleleu. • He kamahao lua ole keia mau hana, ahe mea pono e hele ae kakou na mamo a na Kupuna e ike i ka lakou mau hana a me na mea e pili ana i ko kakou moolelo oka wa kahiko. Mai poiaa. ma ka Hale Mele Hou i keia po Poaono iho.