Hawaii Holomua, Volume III, Number 212, 1 May 1893 — HE KALAIAINA KA HALA. [ARTICLE]

HE KALAIAINA KA HALA.

Ma ka auina la o ka Poaono i ua halawai ae la o Keoki Makamu a me Atoni Koaa, ma kahi alanui uuku e hoea aku ai i ka hale-inu rama Uniona. He mea maopopo. o ka inoa mua he hoohui aina oia, a o ka inoa hope he aloha aina oiaio. Mahope iho o ko laua hoohala ana i kekahi manawa ma ke kamailio kalaiaina ana. O k*a hora 3 paha ia, halawai hou ae la laua ma ka huina o na alanui Kaahuuianu me Kalepa, a hoomaka hou e hoopaapaa a hiki i ka hoolei ana ona puupuu lima. Ua uwao ia na mea hakaka, me kahi mauuhe’u iki ma ka lae o ke aloha aina, a o Keoki Makamu hoi, ua lepe ka papaauwae.