Ke Aloha Aina, Volume I, Number 17, 14 September 1895 — UA HALA AKU. [ARTICLE]

UA HALA AKU.

Ua hala aku ma kela aoao o ka muliwai make, o Mrs. Nakaiewalu J. Samoa, ma Kukuluaeo, Honolulu, Oahu, ma ka hora 12 o ka po Poaha, Sept. 5 a ma ka la 6 ae, ua laweia kona kino wailua a waiho ia ma Koula. Ua hanauia oia i Iune 30, 1838, ma Manuka, Kau, Hawaii. Na Nakaiewalu (k) me Kauhaianae (w). Ua waiho iho oia he kane me ke kaikamahine a me elua moopuna e noho nei. Me ka luuluu a me ke aloha nona. Pela no hoi makou e hui pu aku nei iloko o na kumakena ana iloko o na ehaeha a me na luuluu o ka ohana i hooneleia i ka makuahine ole.