Ke Aloha Aina, Volume V, Number 1, 7 January 1899 — KA MAKAHIKI HOU. [ARTICLE]

KA MAKAHIKI HOU.

Ua hala, ua moe, a ua pauaho mai la ka makahiki 1898 i kona hele ana, a eia kakou i na la omaka mua o ka makahiki 1899, he malihini hou hoi i hoea mai la me na upu halia ana e halihali pu mai ana paha oia me na mea hou o ka manaolana maluna o ka lahuikanaka i hoopilikia ia ko lakou noho ana. O ka Poaono aku la i {illegible} he la ia no ka pihoihoi nui waena o na ano lahui like ole iloko o ka kulanakauhale nei, a e ike ia aku ana ma ko lakou mau helehelena na hiohiona o ka hauoli e hekau ana maluna o ko lakou mau hiona maka me he mea la, e hoike mai ana ua loaa ia lakou ka pomaikai nui ma o ko ke Akua lokomaikai la ma o kona haawi ana mai i ke ola iloko o ko lakou mau kino, a hiki i ka loaa hou ana o keia makahiki. O na hora ahiahi oia la, ua ike aku ka lehulehu e luilui ana no ka hoomakaukau ana no ka hoea mai o ka manawa a lakou i upu ai e loaa pono ia lakou. Ua lohe aku na leo alala o Kamapu a ma na wahi a pau o ke taona nei, mai ka uka a ke kai, a i ka hoomaopopo iho, he mea hewa ole no makou ke olelo ae ua lohea ke kulanakauhale holookoa o Honolulu i ka hulu o ka puaa. I ua hora molehulehu na puka koke ae na puali himeni {illegible} Iloko o na kauhale, no ka {illegible} ana i ko lakou mau hoau mua {illegible}

ka makahiki e hoea mai ana, eli ke me ke ano mau. I ke kupono ana o ka manamana kuhikuhi hora i ka hora 12, a pela pu hoi me kona ukali, ke kuhikuhi minute, oia ka wa i lohe ia aku ai ka Ieo kanikau o na bele o na halepule like ole, ka leo o na mea hoopahupahu e wawalo ana i ka lewa a o na papaaina hoi oia aumoe ua makaukau a ia wa i haule iho ai na kuli o kekahi poe, e haawi ana i ka lakou mau leo pule, imua o ka ihiihi o ka Mea Mana Loa, no kona hooloihi ana mai i ke ola iloko o ko lakou mau kino, a i ka amama ana ae o na leo pule, ua mahelehele ia ae la na haawina maluna o kela a me keia e haupa ana i na mea i hoomakaukau ia. Aka, e hewa ole nae ke olelo ae ma keia wahi, ua nui a lehulehu na poe i ike ia aku, ua maluhi a malule i ka wai lohi o Mareka, a o ka poe no i hu loa aku mawaho o ka mea kupono, ua hoakoakoa ia aku no lakou ma kahi e uku ia ai ka lakou mau hana, a o ka poe no i ai pakiko, na mau no ko lakou hoomanao ana me ka maikai iloko o na la elua. O ka malama ana a kekahi poe i ka lakou mau paina ma ko lakou mau home, he hiki ia makou ke haawi ae i na mahalo kiekie ana no ka mea, ua hana lakou i na mea e hiki ai ke mahaloia aku, oia hoi, aole na ano hana o na makahiki i hala, i lawe ia mai imua o na papaaina like ole, koe wale no paha he poe kakaikahi loa i hu aku mawaho o ke pili, aka, aole nae hoi ia he mea e hoowaia ai i na hana holomua o keia makahiki. He maikai ka malama ia ana o na hana o keia mau la, he hoike ana moi hoi ia, he kahoaka ia no, na hana holopono o keia makahiki e nee aku nei, a i ka hoopau ana ae i keia ke haawi aku nei i ko makou mau makamaka heluhelu, i ko makou mau hoomaikai Hapenuia no keia makahiki e hele nei.