Ka Hoku o Hawaii, Volume XXXIII, Number 45, 8 March 1939 — He Hana Kaulike Ole I Na Hawaii [ARTICLE]

He Hana Kaulike Ole I Na Hawaii

Ua makemake o Charles M. Hite, ke Kakauolelo o ke Teritori e hookomo ia aku he bila iloko o ka ahaolelo e kapae ia ka hoolaha ana aku i na kanawai o keia kau ma ka olelo Hawaii, a e hoakaka ana hoi he hana "hoomakaulii" keia.

Me he mea la eia o Mr. Hite ke hoomaka nei i kela ano hoomakaulii ma kahi pono ole. Me he mea ala aole oia i hoomaopopo iho aia no he mau tausani o na Hawaii kahiko e ola nei ma keia Teritori i hiki ole ke heluhelu i ka olelo Beretania a e kaukai nei i na hoike mai ka ahaolelo mai ka lakou nupepa ma ka olelo Hawaii mai, a i ole aole lakou e maopopo ana i na mea hou e hana ia mai nei e ko kakou mau poe liāna kanawai. O keia poe Hawaii la he poe mana koho 100%. Eia no i keia manawa he mana o nui iloko o na hana kalaiaina oiai no nae hoi e emi mai ana ko lakou helun anui i kela ame keia kau. He kuleana ko lakou e maopopo ai na mea e hana ia ana maloko o ka ahaolelo e na poe lakou 1 kokua aku ai ma ke koho ana no ua mau keena oihana la. Ma o ka hoonele ana iā lakou mai ko lakou kuleana mai no ka hooloaa ana mai i kekahi wahi ike a lakou i makemake ai he hana kau like ole ia. 0 keia huina daīa eeleku e hookoe ia ana e ke Teritori ma o keia hana he wahi mea uuliu loa ia e hoomaopopo ole ia, eia nae hoī ua manao o Kakauolelo Hite he mea hoomakaulii ia. j E upu āku hoi kakou e lawe ae na hoa o ka ahaolelo ma kekahi keehina okoa ae maluna o keia ninau a e ike' iho hoi aole e hoonele ia na Hawaii mai kekahi hana o keia ano ahe meā ano nui hoi ia lakou. He mea pono iko makou mau hoaaloha Hawaii e kakau aku ia Mr. Hite a e kue ana no keia mea ana i hoolala ai no ka hoopakele ana i kekahi huina dala mailuilu mai ka hoonele ana i na Hawaii mai keia mau ike mai.

Mai poina i ka hele mai i ka Hoike Kula Sabati e ma- ] lamaia ana ma keia sabati iho ma ka Luakini o Onomea.' E haawi mai ana hoi ka Rev. E. K, Richardson, i kana haiolelo hope i kona mau hoahanau malaiia, mamua o kona 1 nee ana aku ma kekahi kihapai<koa^u.