Ka Hoku o Hawaii, Volume XXXIX, Number 51, 11 April 1945 — I HOPE PERESIDENA [ARTICLE]

I HOPE PERESIDENA

Ua hookohu ia maila o Mark Pinketon, Jr. ka lunahoohana nui o ka Hui Pa'i Nupepa TribuneHerald o Hilo nei i hoa no ka papa hooko ame hope peresidena no na hui pa'i nupepa nei, ma ka halawai makahiki iho nei a ka Hui ma kela pule aku nei.

Ua lilo oia nei i lunahoohana nui no ka Tribune-HeraJd iloko o Okakoba o kela makahiki aku nei.

Ua noho mua oia me ka Hui Pa'i Nupepa Star-Bulletin o Honohilu no kekahi mau makahiki mamua o kona hoi ana mai i Hilo nei.