Ka Hoku o Hawaii, Volume XL, Number 2, 24 October 1945 — Na Hana Hoomanao [ARTICLE]

Na Hana Hoomanao

Ma ka nana a hoomaopopo ana iho i ko Amelika kuana hwoholomua, me he mea la, ua ike mua no oia i na mea e hoea rnai ana ma keia mua iho. I ka manawa i komo nei oia ma keia kaua honua weliweli, a i ka wa ohi i * ai na kanaka e lilo i mau koa, aia he heluna nui o lakou he poe opio e heie ana no i ke kula. No ko lakou aloha i ko lakou aupuni, ua kapae i ka huli ana i ka naauao, a ua nee aku no ke kaua ana i na enemi, i loaa ai ka lanakila. O ko lakou iini ika loaa ana o ka lanakila e hoomau hou aku i ka imi ana i ka naauao. He heluna nui nae i ko ole ko lakou iini a no ka mea ua waiho na iwi ma na kahua kaua. Ua loaa mua na'e keia hoomaopopo ana i ke aupuni o Amelika, no ka hoonaauao ana i kona mau koa i iini e hoomahuahua ia a'e ko lakou naauao, a ua hoike a'e oia ua hiki i kona mau koa ke hele hou i ka imi naauao ana, a o na hoolilo na oihana kaua, a o na lilo e a*e na ka mea no e hele ana i ke kula. Ma kela makahiki aku ua komo aku ia kekahi o na keiki a ka lunahooponopono nei iloko o ka oihana koa. laia iloko o ka oihana koa- ua noonoo mai oia no ka pono o kona mau pokii kaikuahine, ma kona hoike ana mai ua hiki iaia ke hoomau aku ma ka oihana ana e lawelawe ana iloko oka oihana koa. Ua nee aku kona puali no Okinawa a eia no oia malaila e hoomoana nei. I ka pau ana iho nei o keia kaua, ua nana aku la oia no keia mua aku, a ua hooholo kona lunaike'hala, e hoomau aku i kona imi ana i ka naauao i loaa kona makua ma keia mua aku. Ua kakau mai oia i kona Anate e hoahu ana oia i kona wahi loaa uuku no ke kokua ana iaia ma ke kula hoonaauao o na koa. Aia no he heluna o na keiki iloko o ka oihana kaua i keia manawa i iini e huli koke mai, a no ka mea ua pau ae la no ke kaua, a o ka home ame ka ohana ka mea nui ia lakou. O keia hoi, ua kapae i ke aloha i ka makua ame ka ohana, aka, o ka naauao oia ka mea nui. Aole makou e olelo ana he opio aloha ole keia i ka makua ame ka ohana, aka, lie keiki aloha makua, a no ka mea, aole oia i makemake e hoi mai a e noho wale paha a e kaukai i kahi pono i na hana maa mau iaia, aka, ua makemake e loaa ka hana i oi a'e ka pomaikai o keia mua aku. Hauoli ka naau o ka makua i ka loaa ana o kekahi keiki noonoo maikai elike me keia. Hauoli nohoi maua na makua i malama iaia, me kona mau pokii ame ka mua a'e mai ko lakou wa liilii mai a nui wale ae la. O ka maua e iini nei e loaa iaia ka holomua ma keia mua aku.