Ka Hoku o Hawaii, Volume XLI, Number 6, 27 February 1947 — Awaiaulu Ia [ARTICLE]

Awaiaulu Ia

Ua awaiaulu ia ae o Miss Piilani Irene Matsu, kaikamahine hookahi wale no a Mrs. Irene Matsu o ke Alanui Kilauea ame Lindo Matsu, Hilo, ma ka berita maemae o ka mare me Theodore Bell, keikikane a Mr. ame Mrs. Alexander (Alika) Bell o Waikii, Kamuela, e ka Rev. Moses Moku maloko o ka luakini kaulana o Haili. Na kona kaikunane na William Matsu i haawi aku i ko lakou wahi pokii hookahi wale no i ke kane mare.

N akōna mau hoahanau na hoahanau Nathaniel i mele aku i kekahi mele hoohanohano i ka paa mare, a he himeni palua, "Ke Kali Nei Au" i mele i mai e Kuaana Nathaniel ame Mr. Brown. Mahope iho o ka awaiaulu ia ana o kela mau opio, ua kolomoku aku na ohana ame na hoaloha ame na makamaka ma ka home o ka makuahine a malalla i malamaia ai he paina no ka hoomanao ana i na opio. O ka makou e upu nei e ukali mau ia laua e na pomaikai he nui iloko o ko laua nohona honua ana, a e pili paa mau ke aloha o kekahi i kekahi i ko laua mau la o ka noho kane a wahine ana.