Ka Hoku o Hawaii, Volume XLI, Number 16, 7 January 1948 — Aloha Makahiki Hou [ARTICLE]

Aloha Makahiki Hou

"HAUOLI MAKAHIKI HOU NO E KO MAKOU MAU MAKAMAKA HĒLUHO^U." Oiai eia kakou i ka makahiki 1948, e kau nui aku na manaolana no na mea maileai e l\oea mai ana i keia makahiki i oi ae hoi i ko.ka makahiki i hala aku. Ē lilo pu hoi keia makahiki i makahiki holomua a holopono hoi o na mea e lawelawe ia ana a e hoohana pu ia ai hoi. ; : Ua hala aku kamakahiki 1947 'me kana mau hana ame kona mau kulana o na ano like ole, a e like me kona hala ana aku me na mea maikai ole apau, e hele pu aku no na mea maikai ole apau. O na mea maikai oia ka kakou e upu aku ai a e loaa mai hoi na pono ame na pomaikai i kela ame keia mea ola kino. He nui no na mea a kakou i ike a i heluhelu ai o ka makahiki i hala aku, e like me ka hoonele ia ana o na limahana aupuni i kahi hana e pono ai ke ola ana, a pela nohoi me kekahi mau mahele e ae mamuli o ka nele ana i ke dala. Pela pu nohoi na ulia mokulele e lohelohe mau ia nei, ame ka pahola pu ana o ka ino ma ka moana a poino na moku a poino pu na ola lehulehu. E lilo pu hoi keia makahiki i makahiki e emi mai' ai na kulana nele iwaena o na limahana. Ke iini pu nei nohoi makou e lilo keia makahiki i makahiki e, ai ia makou ke oili mau aku ikb oukou mau puka hale a halawai mau hoi me ke aloha pumehana, a e hoike aku ana hoi i na meāhou o'kela āme keia wahi. Ke kokoke mai nei nohoi i ke KAU LULULIMA e like me na makahiki i kaahope aku a ke aku nei makou ia oukou apau, mai no a pupuahulu wale a koho i kela ame keia moho me ke kaupaona mua ole i na mea e hiki ai ia lakou ke hana mai no ko kakou pono. He nui wale na poe e hoea mai ana imua o kakou a haawi *mai i na olelo pelo pahee i wahi no kakou e puni wale aku ai no a haawi aku i ko kakou mau balota ia lakou, a i ka hoea ana iloko o ka ahaolelo he okoa ka mea e hana ai. I ka huh hoi aria mai e imi ana a waiho mai i na kumupale. Noiaila, e lilo ka makahiki 1948 i makahiki e hoea mai ana me na mea maikai apau, a e loaa ai ka pono; ina poe apau. . : -• -■ ■ • .-," ■ j E lilo pu nohoi ka makahiki 1948 i mea e halihali mai ana i ka lono no ka lilo ana o Hawaii uuku i mokuaina. E lilo pu keia makahiki i makahiki no kakou na poe haipule e kapae ai i na manao huhu pilikino a ohumuhumu a hoino wale aku i ko kakou mau hoa kanaka. Nolaila, ke kalokalo ae nei Hoku e kau mai j na hoopomaikai ana a na Mana Kahikolu malunā pakahi 0 kakou ka lahui Hawaii a Nana no e hooulu hou aku ■ 1 ko kakou lahui aloha.