Ka Hoku o Hawaii, Volume XLI, Number 27, 11 August 1948 — Na Kula Aupuni [ARTICLE]

Na Kula Aupuni

Ua hoolaha ia aela ka manawa e hoomaka ai na kula aupuni o Hawaii nei, a koe na kula aupuni he 10 o na Kona, a penei malalo iho nei ka hana ia ana. Ma ka la 2 o Sepatemaba e hoomaka ai na kula aupuni. Ma ka la 1 o Sepatemaba, o na kumukula wale no ke hoea aku ma ko lakou mau kula. Sepatemaba 2, e hoea aku na haumana kula ma na kula ma ka hora 8:00 A.M. a e hookuu ia mai ma ke awakea. Ma ka la 3 Sepatemaba, Poalima. o ka la maoli ia e hoomaka ai na kula, a e kula ana ia la holookoa. E hoomaha ana nae na kula ma ka Poakahi, Sepatemaba la 6.