Ka Hoku o ka Pakipika, Volume I, Number 8, 14 November 1861 — Mooolelo no Kawelo. Helu 4. [ARTICLE]

Mooolelo no Kawelo. Helu 4.

I mai la Kauahoa, aohe e kapae keia laau ia oe, i ka la o ke kaua, ua nokea mai nei ka hoi makou e oe, a ua pau i ka make, a pehea hoi e kapae ai keia laau ia oe. Nau mai no hoi paha, a, he mai no hoi kau e nana iho, a na'u aku no hoi, a, he mai no hoi ka'u e nana iho. Nui ko Kewelo hopohopo ia Kauahoa, aka, hoomaaao no oia, i ka laua wa i noho liilii ai, a i ka wa a laua nei i hoolelo lupe ai, a moku ka pea a Kauahoa, ia Kawelo, aole nae i pepehi mai o Kauahoa, nolaila, manao no ia e make ana no ia, alaila paha aku la ia, O Hanalei aina ua, Aiha anuanu, Aina koekoe, Aina a ka pea i noho ai, Nohn ana e liu ana e, Maewa ana ka ukiuki o Honokoa i ka pali o Kalehuawehe, Pua ka lama me ka wiliwili, O ka ua lele mawaho o Mamalahoa, O kauahoa o ka mee ui o Hanalei, O ke kanaka a Kamalama i hopo ai o Kauahoa, He mea e ka nui—e----a Eia ka hoi ua kanaka nui o Kauai o Kauahoa, ewalu kaha ku, ewalu ka mana kahawai, ewalu ka poe kaua, mimi mai nei na ??? ke kai, o Mahamoku. Nana ae la ia, i ka wahine a paha ae la. E Kanewahineikiaoha—e, Ko pikoi hooleia iluna, I helelua, i helelua, I kaupaku o Haneli la—e, E ala e Hanalei, A make la o Kauahoa ia oe, Ai ae ia Manalei, Aahu ae i ka pawehe o Niihau, Ai la oe i ka mahu o Kaula, I ka pau ana o keia paha a Kawelo, olelo aku la o Kawelo, i ke kaikaina, me na keiki. E! ina oukou i ike i kahi e poha aha o ka la, malaila no oukou e ku ai, i hahau iho no o Kauahoa i ka laau, puka no oukou malailā, aole oukou e pa i ka laau. Hoomoe mai la o Kauahoa i ka laau ana, a puka ae la lakou ma kahi kaawale o na lala. Lele aku la o Kawelo mawaho o ka hua o ka laau, a ku aku la mahope o Kauahoa. Kulou iho la Kauahoa ilalo, a hoala mai la i ka laau ana. Hahau iho la o Kawelo, i kana laau, ia Kuikaa, nahae iho la o Kauahoa, mai luna, a lalo, a kokoke e lele loa, makau e ka laau a Kawelo, i ke ala o ka lemu, a make iho la o Knuahoa, a o ka pau no ia o na koa o Aikanaka. A po iho la ua la nei, pii aku la o Kawelo ma, iluna o ka puu o Nounou, me kana wahine, a noho no o Kamalama ma ilalo, i aku la o Kawelo ia Kamalama, ke pii nei maua iluna, ina e ike oukou, ua a ke ahi, ua puni ka hoi ka aina ia kakou, a pii aku la laua A hiki laua i ka hulili, alaila, paha aku la o Kawelo. E Aikanaka alii oluna o nei puu nei-la-e, E iho mai kaua e ike, O oe no maluna, owau āku no malalo, A-a ai no kaua ia Kauai, a moe i ka moena. Lohe mai la o Aikanaka i keia paha a Kawela, hoopaapaa iho la lakou, olelo kekahi poe, o Kawelo keia, hoole kekahi poe, aole ia e hiki mai, ua luhi ua hiamoe aku la o Kawelo, aole ia e hele mai, ua luhi oia i ke kaua ana i ke ao, a he aha kana hana o ka po, e hele mai ai. I aku la no Aikanaka, o Kawelo no keia i paha mai nei, ia lakou e hoopaapaa aha, paha hou aku la o Kawelo. O makou wale mai no, owai—e---a, Hai aku la o Aikanaka, i na kanaka oluna o ka puu i koe, o Kaehuikeawakea, o Wekea, elua laua, o Kamakaokahoku, o Paoa, elua laua, o Hilinuiwawaeauha, O Auha, elua laua, o Kapinaonuianio, o Koinanalu, elua laua, awalu no kanaka o ka puu i koe, a o Aikanaka no ka iwa, ua pau loa na kauaka i ka make. A pau aku la keia hai ana a Ki« welo, i hou ae la ia, i kona mau kahuna, E! e iho ae au e ike me Kawelo, kainoa paha no Kawelo nei aina e noi mai nei, eia ka noʻu no! Owau no ka maluna, oia no malalo. Hoole mai la na kahuna, kahaha! Pehea oe e hele aku ai e ike, he alii oe, he kauwa ia, he helu elelu, kona kupuna, no uka ae nei o

Kulahuhu la, o Nanahanaimoa ka inoa. Hai aku mai la o Aikanaka i keia olelo, a na kahuna, ia Kawelo, a lohe o Kawelo, kaa aku la ia i ka pali, a ike aku la o Kanewahineikiaoha, i ke kaa ana o Kawelo i ka pali, hae aku la ia i kana pikoi, a paa aku la o Kawelo, i aku la o Kanewahineikiaoha ia Kawelo heaha iho nei keia ou, i aku la o Kawelo ka wahine, i hilahila au ia oe, i kuu amuamu ia ana mai nei i ke kauwa, i aku la o Kanewahineikiaoha, Ka! kainoa e noonoo mun oe a maopopo he kauwa io, e ole au e ike aku nei ia oe, ina ua make oe. Alaila, noonoo iho la o Kawelo, a loaa ia ia ka manao, alaila la, paha aku la ia, penei. He alii ka moa, Kau ana nae hoi ka moa i kaupoku o ka hale, A hi ia iho ko poo e Aikanaka, A lohe o Aikahaka, i keia paha ana a Kawelo, i aku la ia i na kahuna ana, ia Ma kaokahoku, ke olelo mai nei o Kawelo, he alii ka moa, i aku la ua mau kahuha nei, Aikanaka, e olelo aku oe ia Kawelo, he kauwa ka moa, olelo aku la o Aikanaka, he kauwa ka moa, Alaila, paha hou aku ia Kawelo. Haku ia nae hoi ka hulu o ka moa, i ke kahili, Kahili ia nae hoi maluna o ko kua e Aikanaka, He alii ka moa,