Ka Hoku o ka Pakipika, Volume I, Number 32, 1 May 1862 — Ke Emi ana o na Kanaka. [ARTICLE]

Ke Emi ana o na Kanaka.

Ka Hoku o ka Pakipika e:--Aloha oe: I ka makahiki 1852, a mahope iki mai, ua ikeia ka nui o na kanaka ma keia wahi, ma Niu, Kuliouou 1, Kuliouou 2, Koko, Keawawa, Hahaione, ua komo nae keia pee aina iloko o Maunalua, ua 310 a keu kanaka (ekolu haneri me umi a keu,) a i keia ma o Aperila, 1862, ua ikeia na kanaka 140 ma keia mau aina, iwaena o na makahiki he 10. he 74 kane, he 66 wahine, a ma keia huina he 80 kamalii, o kekahi hapakolu oia ka malii aole kupono i ke kula, o kekahi mau keiki kokoke ka hapalua o ke koena, he aea wale me na makua a hala kekahi mau pule, a hoi mai, a pela aku ana. O kekahi hapa o na kanaka o keia huina, he poe ua oo (elemakule), Ua make ka nui o na kanaka, ua hele kekahi poe. No ka hookauinaha o na konohiki, no ka nele kekahi i kahi ole e kanu ai na wahi pue uala o keia kaha, no ka paapu i na holoholona. A he nui no ka poe e aea wale nei o na kanaka o keia huina i koe, no ka imi ana i wahi ola no lakou ma kahi e ae, Oia kahi kanaemae aloha ia oe, Owau no, J. H. KANEPUU Maunaliia, Aperila 25, 1862.